رسالة تيته عن سر تحول شيب جسمها : كان هدفي فقط البعد عن تناول الادويه

ابدأ المقال برسالة تيته التي نشرتها بعد ردود افعال العالم بعد ما انبهر الجميع بتحول جسمها في هذا السن المتقدم جدا
وجاءت رسالة تيته للعالم كالتالي :

"منذ 3 أعوام بدأت هذه الرحلة الطويلة البطيئة، والآن أدركت أنها بلا نهاية."
"كل يوم أتحرك في إتجاه مبني على قراراتي
. كل شهر علامة فارقة في حياتي.
كل عام كنت أتحول بشكل مدهش إلى الحد الذي يجعلني أؤمن أنني لا يمكن أن أتغير اكثر من ذلك، ولكنني أفعل.
الآن، في هذه المرحلة، أدرك أن قدراتنا لامحدودة،
 وكل لحظة هي فرصة جديدة لإتخاذ قرار للتغيير، مهما بلغت صعوبة وقسوة الحياة. يجب علينا المثابرة والتفاني في ملاحقة أهدافنا، ونتقدم للأمام بإستمرار.
حينما بدأت، لم أتخيل في أغرب أحلامي أن بمقدوري أن أصل لما وصلت له اليوم.
 كان هدفي بسيط، وهو إستعادة صحتي، والتحرر من الأدوية فقط.
 ولكن كل باب نخطو بداخله يقودنا لباب آخر وذلك لآخر، وهكذا.
أتمنى أن يكون خياركم الدائم هو النمو والتحسن،
 أن تتعلموا حب النفس ورعايتها بالشكل المثالي
 وتجرؤوا على الحلم والحب من أعماق القلب مرة أخرى!" 

واليكم بعض المقاطع الملهمه من تمارين تيته

وبعيدا عن رسالة تيته الملهمه فعليكي عزيزتي ان تعلمي الامور التاليه وهي الاهم والبدايه الحقيقيه للتحول

1. عشان توصلي للاجسام اللي بتشوفيها علي انستجرام او يوتيوب وبتبهرك انتي مش محتاجه التغيير في افعالك او يومك 
2. انتي مش محتاجه يكون سنك عشرينات او تلاتينات او سبعينات 
3.  انتي في البدايه  مش محتاجه للمكمل الغذائي
4.  مش محتاجه لدفع اشتراك سنوي في اكبر جيم
5.  ومش محتاجه تبدئي يوم السبت في رجيم الزبادي باللمون اللي بيخسس اربعه كيلو في اليوم
6.  ومش محتاجه لدفع اشتراك لمتابعه اونلاين باسعار عاليه مع اشهر مدربين

 اللي محتاجاه قبل كل دا - انك تفهمي انك بتحولي اسلوب حياتك
 مش هايحصل صدقيني انك تعملي رجيم مؤقت وتوصلي للفورما
لازم تغيري اسلوب حياتك
لأنك لو ماغيرتيش اسلوب حياتك بحيث يكون مناسب لاستمرارك في اللعبه
 يبقي هتبوظي كل اللي عملتيه في يوم من الايام عاجلا او اجلا
 هتبصي تلاقي اشتراك الجيم خلص وانتي ماستفدتيش بيه
هتبصي تلاقي اكلك بقي زي اكل الناس كلها وبتلغبطي في كل حاجه
 احنا بشر ومسيرك هتزهقي وتقفلي من الاكل الصحي ومن الضغط اللي عملاه علي نفسك
 بسبب التمرين بإنك طول اليوم حامله هم التمرين وحامله هم الدايت
وعامله لنفسك حاله من الضغط النفسي اللي مالوش اي لزمه

الموضوع ابسط من كدا بكتير جدا والناس اللي بتشوفيهم فورما وبيرفكت بدي دول نجحو في الوصول للشكل دا عشان دا بقي اسلوب حياتهم
 مش واجب عليهم يعملوه , لا هما بيستمتعو بدا لان دا اصبح شكل  يومهم  سواء دا كان مصدر دخلهم او شغلهم او ترفيه
مش هتلاقي حد وصل للجسم الجميل دا بإنه عمل علي نفسه ضغط نفسي لا بالعكس الضغط النفسي اللي بتحطي نفسك تحته دا كفيل انه يضيع كل تعبك
, ومش هدخل في الحته العلميه واقولك لان دا هيفرز هرمون  بيساعد في عدم حرق الدهون
لا بعيدا عن اي قواعد علميه , انتي عشان تنجحي في الموضوع دا لازم تكوني مرتاحه وسعيده ,
 اللي فات دا كان قاعده وعنوان بخط عريض كدا لازم تحطيه حلقه في ودنك , طيب دلوقت انا مبتدئه هحقق ال تغيير في اسلوب حياتي دا ازاي ؟

 ازاي هحول اسلوب حياتي كدا واوصل لاني اابقي مرتاحه ومبسوطه بأكلي وانا بعمل دايت او وانا بتعب جدا في التمرين , وازاي محسش ان دا واجب عليا لازم اعمله
هجاوبك علي السؤال بإختصار وهقولك  " التفكير في النتيجه هو اللي بيوصلك للحاله بتاعت الضغط النفسي دي "
 , طول الوقت بتفكري في النتيجه بتفكري في النتيجه اصلا قبل ماتبدئي , بتدخلي في التعليقات في صفحات وقنوات الفيتنيس تسألي عن المده الكافيه لتحقيق نتيجه ,
 بتحصري نفسك جوا دايره اللي هي " انا هعمل التمارين الفلانيه لمدة شهر واستني اشوف النتيجه "
, و غالبا مابتوصليش للنتيجه اللي ف بالك فتروحي مبطله تمرين ومبوظه دايت وهكذا تفضلي تدوري جوا الدايره دي طول عمرك
ليه ؟!
 لانك صورتي لنفسك انك بتعملي حجه مقابل حاجه تانيه وكأنك بتدفعي فلوس لسوبر ماركت عشان تشتري منه سلعه
-فلو عاوزه تنجحي فعلا في الموضوع دا وتحققي هدفك : فكك من الوسوسه والتفكير والتوتر  وانسي معاملتك للدايت والتمرين علي انه حاجه مؤقته هتدينا نتيجه معينه 

  ممكن تعملي دايت مؤقتا وتتمرني فتره تديكي نتيجه وهتتبسطي بيها كمان لكن مش هتوصلي للبيرفكت بدي ولا الشكل اللي في بالك بدايت مؤقت
 ممكن تستخدمي دايت معين لفتره معينه لتعديل مشكله معينه لكن مفيش حد في الدنيا هايفضل طول حياته ماشي علي نظام غذائي  وعمرك ماهتستمري طول العمر علي دايت معين
والحل الجذري لإنك تفضلي طول العمر محافظه علي شكل جسمك الجميل وفي نفس الوقت تاكلي كويس هو انك تحولي اسلوب حياتك من حياه غير صحيه لحياه صحيه
علي سبيل المثال وانتي في السوبر ماركت بدل مابتشتري اتنين لتر بيبسي تقدري تشتري اتنين كيلو فواكه وتعمليه عصر فريش في بيتك مضمون ويفيد جسمك
 بدل مابتروحي تجيبي كيلو بسبوسه او هريسه تقدري تشتري لبن وتعملي حلويات في البيت زي الرز بلبن بطريقه صحيه والفرق بيكون بسيط جدا بين الاكل الصحي والاكل غير الصحي , هتفرق بس انك بدل ماهتحلي بسكر ابيض هتشتخدمي سكر دايت وبدل مابتحطي نشا كتير هتقلليها شويتين - الموضوع ابسط مما تتخيلي

لو وصلتي لمرحلة انك تحولي اكلك من اول الشوبينج انه متشتريش غير الاكل الصحي هتقدري تبني جسم كويس ومن غير ماتحسي وكمان مش هايبقي عليكي ضغط  وحاسه انك في محكمه بسبب ورقة الدايت
  فديما خلي في بالك  القاعده دي  احنا بنعمل اللي نقدر نعمله في اطار قدرتنا الماديه وشكل حياتنا الشخصيه والنتيجه دي بتاعت ربنا وطالما احنا غيرنا حياتنا لاسلوب حياه صحي فالنتيجه جايه جايه عاجلا او اجلا
 فمتشغليش بالك بالنتيجه اشغلي بالك انك تغيري اسلوب حياتك وتغيري نظرتك للفيتنيس عامة
 وخلي الهدف بدل ماهو تخسيس منطقه معينه او تكبير منطقه معينه هو اننا نغير اسلوب حياتنا
وعشان المقال مايبقاش مجرد كلام نظري , لو حبيتي تطبقي عملي في البيت ينظام تمارين مشروح فيه اداء التمارين بالفيديو
 ونظام غذائي مظبوط اضغطي هنا