| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

الخفسه : حقائق عن العضله النائمه قد تصدمك

عشر حقائق عن العضله النائمه او الخفسه لازم تعرفيهم عشان ماتضيعيش وقتك في حل المشكله , وتقدري تظبطي شكل العضله النائمه  وتدي النصف الاسفل من الجسم شكل ممتلئ



الحقيقه رقم ١
-------------
 لو نسبة الدهون في جسمك مرتفعه ، صعب تلاقي نتيجه كويسه للتمرين حتي لو كنتي بتتمرني بشكل قوي وباوزان تقيله ، ومطبقه نظام غذائي ،


جسمك طول مافيه دهون عاليه هايكون صعب انه يبني عضلات ، والمشكله الاكبر انه جسمك لو زاد وفيه دهون كتيره هي اللي عامله المنظر السئ للافخاد ، لما تزيدي هتزيدي دهون اكتر للاسف ودا مش هايحل المشكله بالعكس هايخليها تزيد لانك ببساطه بتزودي الدهون المتوزعه بشكل سئ في جسمك

فلو كنتي نسبة الدهون في جسمك عاليه اعلي من ١٨ % او لما بتشوفي في المرايا جسمك بتلاقي دهون متراكمه في الاجناب او البطن او اي منطقه تانيه ، فالافضل تعملي تنشيف وتصفي الدهون في جسمك لحد ماتوصلي لنسبة دهون قليله ، وعشان ماتتلغبطيش في الفيديوهات الكتيره ، في الفيديو دا برنامج تمارين ونظام غذائي لحرق الدهون والحفاظ علي العضلات تقدري تطبقيهم  في البيت بسهوله

خطة 30 يوم لحرق الدهون مع الحفاظ علي العضلات في المنزل



الحقيقه رقم ٢
----------
مفيش حاجه في جسمك اسمها الخفسه او ال عضله النائمه  او غمازة الفخد او الورك الغائر وكل الاسامي دي كلها , موفيش عضله اسمها كدا اصلا في جسم الانسان فهنكبر حجمها او هنقلله



المكان دا فيه مجموعه من العضلات بترسمه وتديله الشكل الكيرفي اللي كل البنات بتسعي ليه
التشريح العضلي مافيهوش عضله نايمه او عضله صاحيه ، مش هدخل في تفاصيل معقده تتوهك وهجيبلك الخلاصه ،


 المنطقه دي في جسمنا بدايه ونهايه لمجموعه من العضلات زي عضلات المؤخره وعضلات الافخاد  زي ما التشريح موضح في الصوره



، ومش معني كدا اننا منقدرش نعمل للمكان دا امتلاء ، الفكره في حجم العضلات دي عندك
، لو جسمك بيبني عضلات او بيبلك كويس هتشوفي المكان دا بيستدير وبياخد شيب كويس جدا
 ولو جسمك بطئ في البناء فعادي استمري في التمرين ومسيرك هتعملي الشكل الكيرفي ، بس لازم نبني ونكبر عضلاتنا في النص الاسفل من جسمنا عامة , ودا فيديو فيه نظام تمارين منزلي ونظام غذائي مجانا ,

ودا الفيديو  تقدري تطبقي في البيت وهتلاقي نتائج كوويسه جدا




الحقيقه رقم ٣
--------------
مفيش تمارين عضله نائمه فقط ،  لا فيه تمارين لوار بدي
اي نعم فيه تمارين تركيزها اعلي علي الافخاد زي السكوات مثلا
وفيه تمارين تركيزها اعلي علي عضلات المؤخره زي البريدج او الكيك باك ولكن لازم تتعاملي مع اللوار بدي ككتله واحده بمعني انك محتاجه تعملي شيب للوار بدي كله ، تتمرني تمارين النصف الاسفل بالكامل لازم تبني عضلات الجزء دا كله وبشكل قوي كمان لانها بتكمل بعضها ومفيش تمرين منهم الا وبيشغل عضلات مساعده مع العضله المستهدفه الاساسيهه
وكل ماعضلات الافخاد امتلأت وعضلات المؤخره كبرت بتلاحظي الامتلاء في الخفسه مع شيب حلو وشكل جذاب كمان

 زي ما الصوره دي بتوضحلك


وعشان مايبقاش المقال دا مجرد معلومات ، فدا  فيديو فيه اقوي التمارين تاثيرا علي عضلات النصف الاسفل من الجسم  عضلات الافخاد وعضلات السمانه او بطة الساق وتم ترتيب التمارين من الاقوي تاثير للاقل تاثير ,


 فيديو هايعجبك اوي اوي وهايعرفك تركزي علي ايه وتهملي ايه  وتقدري تنسقي من 4 الي 6 تمارين ك يوم كامل للوار بدي من خلال التمارين المذكور داخل الفيديو


 ، طبقي التمارين يوم وارتاحي يومين لو كنتي محتاجه تبني وتضخمي الجزء دا ، اما لو كنتي عندك دهون عاليه فارجعي للحقيقه رقم واحد وشوفي فيديو التنشيف طبقيه زي مالفيديو شارح بالضبط



الحقيقه رقم ٤
---------------------
مفيش حد بيتمرن علي عضله واحده وبينجح ، 
الموضوع تغيير شامل في اسلوب حياتك كلها من اول النوم لحد حالتك النفسيه ، يعني مثلا لو نومك عميق ومتواصل هتفرق معاكي في قوتك اثناء التمارين وتحملك لاوزان عاليه ، علي العكس لو نومك مش مظبوط بيحصل همدان واحيانا دوخه وممكن متقدريش تكملي تمرينك ، فبلاش النظره الضيقه علي الموضوع وخدي الحكايه كتغيير في اسلوب الحياه ,ولو غير متاح ليكي النزول للجيم او النادي , أنصحك تشوفي المقال الرائع دا المدعم بالفيديوهات وهو مقال فيه شرح مبسط ل التمرين في المنزل من الالف الي الياء , للمقال اضغطي هنا 



 الحقيقه رقم 5
---------------
مفيش حد بيتمرن تمارين اللوار بدي وبس او تمارين للدراعين وبس ،
 مهم جدا انك تتمرني كل عضلات جسمك اي ان كانت مشكلتك ، ودا مش معناه انك مش هتركزي علي مشكلتك لا بالعكس ، انتي لو بتتمرني بتركيز علي زيادة وامتلاء اللوار بدي ، كدا كدا هتحتاجي راحه من يومين لتلاته بين كل تمرينه بتركز علي نفس العضلات ، 

طب في ايام الراحه دي ليه ماتخديش تمرينه للنصف العلوي من جسمك ؟ ،

 لو عشان الجزء دا مظبوط عندك فتبقي غلطانه ، لانك لما تتمرني جميع عضلات جسمك دا هايزيدك قوه عامه لجسمك وكمان هايضاعف الحرق يعني نسبة دهونك هتقل بالتالي نسبة العضلات داخل الجسم هتزيد ،
 كمان اوزانك هتزيد بشكل غير مباشر , هتحسيها بعد فتره من التمارين ، ببساطه كدا لو بنتين نفس الجسم وهدفهم واحد وهو انهم يكبرو الافخاد بس فيه واحده عضلات بطنها  وعضلات ظهرها ودراعها قويه
 اما البنت التانيه عندها نفس العضلات دي ضعيفه ، فبالتاكيد اللي عندها عضلات دراع وظهر وبطن قويه هتقدر تعمل نتيجه افضل لانها ببساطه هترفع اوزان اعلي وهتتحكم في الاداء الصحيح اكتر من اللي عندها عضلات الجزء العلوي اضعف
فمن الاخر ركزي علي مشكلتك

ولكن جزء من تركيزك علي مشكلتك انك تلعبي كل العضلات لان كلها فوايد وهتساعدك في تحقيق هدفك
فاللي بتتمرن يوم جزء سفلي وترتاح ٣ ايام وتتمرنه تاني هتستفيد ، ولكن اللي بتتمرن جزء سفلي وخلال ال٣ ايام اخدت تمرينه للجزء العلوي هتستفيد اكتر بكتير ,


 ودا نظام تمارين 3 ايام , يومين للجزء السفلي ويوم للجزء العلوي بطريقة ابر اند لوار وتقدري تطبقيه في البيت



الحقيقه رقم ٦
-----------
مفيش بنت عندها نسبة دهون قليله وهتلاقي عندها المشكله دي , حتي لو وزن قليل جدا تلاقي عندها نسبة دهون عاليه ودا هاياخدنا لدور النظام الغذائي المهم جدا جدا ومش هبالغ لو قلتلك ان من غير نظام غذائي كل محاولاتك هتبقي نتيجتها الفشل ,  نظامك ليه مواصفات معينه لازم تتوفر فيه



أهم المواصفات دي هو عدد السعرات الحراريه اللي بتاكليها خلال يومك
وهل السعرات دي اقل من احتياجك والا اكتر من احتياجك , فلو كنتي بتنزلي الدهون هتاخدي اقل من احتياجك ب500 سعر والعكس في التضخيم لو عاوزه تزيدي هتزودي 500 سعر حراري ودي كانت الصفه الاولي
الصفه التانيه المهمه جدا وهي ان نظامك يكون عالي البروتين سواء بتحرقي دهون او بتضخمي والكارب يكون قليل نسبيا والدهون الصحيه تكون موجوده بس قليله اوي
هتدخلي علي الاله الحاسبه دي متكسليش هي مش معقده ولا حاجه دي سهله وجميله وباللغه العربيه مفيهاش تعقيدات

هتكتبي سنك وطولك ووزنك وتضغطي علي احسب هايطلعلك جسمك محتاج كام سعر حراري في اليوم - دا رابط الاله الحاسبه ومعاه صور سكرين شووت بتوضحلك الخطوات ببساطه , أَضغطي هنا 
بعد ما تحسبي سعرات جسمك هتسألي تلقائي , ازاي تاكلي السعرات دي خلال اليوم وايه مصادر الاكل اللي ممكن اكل منها
في القايمه دي كل اللي هتحتاجيه

  1. 1- النشويات زي الرز والشوفان والبطاطا اضغطي هنا 
  2. 2- الدهون الصحيه والزيوت والسمن اللي تستخدميهم اضغطي هنا
  3. 3 - البروتين بروتين نباتي وبروتين حيواني اضغطي هنا 

طيب اخر حاجه في النقطه دي ازاي هتعرفي السعرات الحراريه الموجوده داخل كل وجبه ؟
بمنتهي البساطه دي قايمه بجميع اصناف الاكل ومكتوبلك جمب كل صنف فيه كام سعر حراري لكل 100 جرام من وزنه , أَضغطي هنا
متنسيش تاكلي خضروات ورقيه كتيره عشان الفيتامينات واشربي ميه كتير



الحقيقه  رقم 7
------------
لما تطبقي نظامك الغذائي تمام وتتمرني كويس انتي كدا ماعملتيش كل حاجه ,
 لسه فيه مرحله مهمه جدا واهميتها زي اهمية الاكل الصحي واهمية التمارين وهي دي المرحله اللي جسمك بيبني فيها الخلايا وهي فترة الريكفري او الاستشفاء ,

فترة الراحه بين كل تمرينه واللي بعدها هي دي الفتره اللي جسمك بيبني فيها الخلايا , يعني الحجم الكبير اللي بتشوفيه بعد التمرين واثناء التمرين دا مش خلايا جسمك بناها ولا تكبير حصل بالفعل , دا اسمه بمب
 بيحصل نتيجه لضخ دم شديد في العضله المستهدفه ودا طبعا مهم جدا جدا ودليل علي جودة التمرين طبعا ,  ولكن مرحلة البناء الاهم هي  الفتره اللي بتبدأ بعد ماترتاحي من التمرين لحد ماييجي يوم تمرين نفس العضله دي تاني

, وعشان ندي لجسمنا المناخ الجيد اللي مناسب لبناء خلايا عضليه لازم نريح العضله اللي اتمرناها دي وديما زي مابنختصر الراحه ونقول لكم راحه يعني نوم جيد ,



اقدر اقول لك لو ارتاحتي كويس ونمتي نوم عميق جسمك هايستفيد من الاكل الصحي اللي اكلتيه ومن التمارين اللي تعبتي فيها وتعبك هتشوفيه بيظهر علي شكل جسمك اسبوع بعد اسبوع وشهر بعد شهر ومش هتيأسي ,

 وقبل ماقفل النقطه بتاعت الاستشفاء دي لازم اقول لك حاجه مهمه عشان المبتدئين , مفيش حاجه اسمها اتمرن عضله معينه يوميا او بشكل مستمر بحيث اكبرها , لا لازم تدي للعضله فترة استشفاء لو عاوزه تشوفي نتائج كويسه , ولو عاوزه تعملي استشفاء بشكل جيد وسريع , شوفي الكام نصيحه دول هايفرقو معاكي جدا , نصأئح لتسريع عملية الاستشفاء من هنا



الحقيقه رقم 8
--------------
دور المكمل الغذائي دور غير اساسي



المكمل الغذائي اي ان كان نوعه اي ان كان جودته ماهو الا مكمل لعناصر غذائيه معينه في نظامك
يعني لو نظامك ناقصه بروتين وانتي مش قادره تجمعي جرامات البروتين اللي جسمك محتاجها خلال اليوم ممكن تشتري  بروتين يساعدك في دا لكنه مش المشروب السحري اللي هتاخديه يعمل لك الفورما

فلو ناقصك بروتين كملي اكلك بشيكر بروتين , لو مابتقدريش تاكلي خضروات ورقيه بشكل كافي يجمعلك الفيتامينات اللي جسمك محتاجها , اشتري مالتي فيتامين
ودول اهم 3 مكملات ممكن نحتاجهم

  1. الكيرياتين
  2. الواي بروتين
  3. المالتي فيتامين

ودي مواضيع منفصله وشرح مبسط لكل مكمل وكيفية استخدامه ومناسب لمين وأمان والا لاه 

  1. مكمل البروتين الخام وكيفية استخدامه وهل يعطي نفس النتيجه ؟ اضغطي هنا
  2. مكمل سيرياس ماس ومكمل الجينر لزيادة الوزن اضغطي هنا
  3. مكمل الواي برويتن وكيفية استخدامه وشرح انواعه اضغطي هنا
  4. مكمل الكيرياتين وكل شئ عن فوائده وعن اضراره اضغطي هنا



الحقيقه رقم 9
-------
الحاله النفسيه السيئه بتاثرعلي كل شئ
بتاثر علي جودة تمرينك وعلي جودة اكلك وعلي جودة نومك
فلو عندك مشاكل عاطفيه او مشاكل عائليه اواي مشاكل في الدراسه والعمل حاولي تقربي لحد يساعدك في حلها , الموضوع بياثر كمان علي هرمونات جسمك



والحل الوحيد للمشاكل دي كلها اننا نشوف الدنيا بنظره اوسع , هنعرف انها اقصر واتفه من اننا نحط علي نفسنا ضغط او نزعل
تعاملو مع مشاكلكم علي انها جزء طبيعي من الطريق اللي ماشيين فيه

 مافيش طريق خالي من المطبات , المهم نفادي المطب ونخطي عليه ونعدي ونكمل طريقنا
وده موضووع مميزاوي هايعرفك ازاي تسهلي اللعبه علي نفسك وتتحرري من الضغوط النفسيه ,
الموضوع حلو اوي بيخليكي  تسهلي اللعبه علي نفسك وتشيلي عن نفسك الضغط والهم وتختصري اللعبه وتحولويها لاسلوب حياه  اضغطي هنا 



الحقيقه رقم 10 والاخيره
-----------------------
لو عاوزه تحققي نتيجه قويه وجسمك يكون شكله حلو اي ان كان عمرك اي ان كان حالتك , مفيش غير طريق واحد وهو انك تاخدي الموضوع لايف ستايل
يعني يبقي جزء من روتينك اليومي العادي

اكلك يكون من مصادر صحيه , تسهليها علي نفسك, ببساطه  تشربي عصير ماتشربيش بيبسي , تاكلي فواكه متاكليش كنافه وبسبوسه , تتمرني عشان دي حاجه بتحبيها وبتطلعي فيها طاقتك مش عشان دي حاجه هتخلي شكلك حلو

من الاخر خدي اللعبه لايف ستايل هتحلي كل مشاكلك وهتاخدي صحه جيده وهتاخدي حصانه من اي امراض ممكن تصيبك , وكمان شكلك هايفضل حلو وجسمك هايفضل مشدود طول العمر



ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018