| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

زومبا وايروبكس ولا اوزان واجهزة لحرق الدهون ؟

زومبا وايروبكس والا اجهزه وحديد , من الافضل في حرق الدهون 


سؤال بيتكرر كتير بين الشباب والبنات وبيسبب حيرة كبيرة خصوصا للبنات اللي بتحتار

 هل تبدأ بتمارين الزومبا والايروبكس عشان تخس او تقلل دهونها ولا تتمرن بالاوزان والاجهزة الاول ؟

اولا
 لو هدفك تقليل نسبة الدهون وتقليل وزنك وبدأتي تروحي الجيم ولقيتي اجهزة واوزان وكلاسس زومبا وايروبكس اكيد هتحتاري تتمرني ايه بينهم عشان تقللي نسبة دهونك



اكيد سمعتي من كابتن او متدربة بالجيم بتقولك خسي الاول بالزومبا والايروبكس والمشي وبعدين لما تخسي شدي جسمك بالحديد والاوزان والاجهزة لانه هيبني عضلات فوق الدهون ومش هيخلي شكلك لطيف



الكلام ده خاطيء جدا
لان اولا المتحكم الرئيسي بزيادة الوزن او تقليل الوزن هو نظامك الغذائي واكلك فقط يعني لو فضلتي تلعبي الزومبا والايروبكس بالساعات يوميا وبتاكلي كميات اكل كبيرة او حلويات كتيرة ومقليات مش هتلاقي نتيجة


ولو عايزة تزودي وزنك واتمرنتي بالحديد والاوزان والاجهزة واشتريتي مكملات واكلك مش محسوب برضو مش هتلاقي نتيجة او هتلاقي نتيجة ضعيفة وعشوائية


النظام الغذائي هو رقم 1 للوصول لاي هدف
 معنى كدة قبل ما تقرري تروحي الجيم صممي لنفسك برنامج غذائي محسوب السعرات على حسب هدفك لو هدفك تقليل الدهون هتحسبي سعراتك وتقللي منها حوالي 500 سعر حراري والاهتمام بالبروتين في اكلك ودي حاسبة السعرات للوجبات وللجسم اضغطي هنا



ثانيا التمرين
بعد ما عملت نظام غذائي صحي مناسب ليا اتمرن زومبا وايروبكس ومشي ولا اوزان وحديد واجهزة ؟
حكاية ان لما تتمرني بالحديد والاوزان وانتي عندك نسبة دهون عالية او عايزة تخسي جسمك هيكون شكله وحش لانه هيربي عضلات على الدهون دي خطأ جدا
 لان التمرين بالاوزان والحديد والاجهزة هيشغل كل عضلاتك ونسبة نمو العضلات عند السيدات مش كبيرة لدرجة ان يحصل بروز عضلي واضح على الدهون ويخلي شكلك غير مقبول بل بالعكس التمرين بالاوزان وزيادة العضلات هيكون في صالحك وهيساعدك انك تقللي دهون كل ما تبني كتلة عضلية كل ما جسمك حرقه يكون اعلى


هل الكلام ده معناه اني اتمرن حديد واوزان فقط وابعد عن تمارين الكارديو زي الزومبا والايروبكس والمشي ؟
لا
 طالما هدفك تقليل الدهون يبقي افضل حل انك تدمجي بينهم
 بمعنى ادخلي الجيم وابدأي بتمرين الحديد بتاعك عشان تقدري تأديه بكفاءة وبعد ما تخلصيه تقدري تحضري زومبا وايروبكس او تمشي على التريد ميل او العجلة او المشي بالشارع لمدة 15-40 دقيقة من 3 الى 5 ايام بالاسبوع  ولو مش هتقدري تنزلي الجيم ومافيش فلوس للاشتراك مع تدريب اون لاين دا نظام تمارين مجانا بالفيديو تقدري تطبقيه في بيتك , لنظام التمارين اضغطي هنا



تمارين الكارديو
 زي الزومبا والايروبكس والمشي والعجلة هتفيدك جدا بفترة الدايت وتقليل الدهون لانه بيحرق سعرات حرارية عالية كل ما نبض قلبك يزيد وكمان مفيد للصحة العامة والدورة الدموبة والرئتين اتمرني كارديو على حسب مقدرتك وطاقتك لكن لا تعتمدي عليه اعتماد كلي عشان تقللي من فرصة حدوث الترهلات ولما تخسي يكون شكل جسمك مشدود وافضل بكتير ودي رقصة زومبا للمبتدئات من الصفر تقدري تتعلميها ببساطه من الفيديو دا 



ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018