| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

الأكل قبل النوم : ليه لازم ناكل قبل النوم مباشرة ؟ هل الاكل قبل النوم يزيد الدهون ؟ ما هو أفضل أكل قبل النوم ؟


الحكمة التقليدية بتقول إن الأكل قبل النوم مباشرة بيسبب زيادة الوزن لأن الحرق بيكون ضعيف بالليل وقبل النوم، وبسبب كدا السعرات الحرارية اللى مش بتتهضم بتتحول لدهون.. فى حين إن خبراء التغذية بيقولوا إن الأكل قبل النوم مباشرة مفيش منه مشكلة وكمان بيدعم النوم وخسارة الوزن. (حكمة تقليدية يعني خرافة علي فكرة )




الموضوع محير فعلاً بس تعالوا نفهم الموضوع مع بعض
على الرغم إن ناس كتير فاكرين ان معدل الحرق خلال النوم بطئ ودا بيأدي إلي زيادة الوزن، اتضح بالبحث العلمي ان معدل الحرق خلال النوم هو هو تقريباً نفس معدل الحرق خلال النهار.



دراسات تانية أكدت ان الأكل قريب من وقت النوم أو قبل النوم مباشرة ممكن يسبب زيادة فى الوزن بس الدراسات دي قالت ان السبب فى كدا هو الأكل فوق احتياج الجسم من السعرات الحرارية. وهي دي المشكلة "الأكل أعلي من احتياج الجسم"



 4 أسباب تخليك تاكل قبل النوم مباشرة:
1️⃣ وجبة خفيفة قبل النوم بتدعم خسارة الوزن
2️⃣ عدم الجوع بيساعد علي نوم جيد
3️⃣ الجسم بيحتاج طاقة أثناء النوم
الجسم بيحتاج طاقة أثناء النوم لتعويض الطاقة المفقودة خلال اليوم
4️⃣ عدم الجوع = مستوي سكر الدم مستقر = نوم جيد = صحة جيدة



النوم بيأثر علي المناعة، مستويات الطاقة، الشهية أثناء اليوم، مستوي الحرق، الرغبة فى الأكل الكتير ووزن الجسم.. كل ما تنام كويس بالليل كل ما هتكون أحسن خلال اليوم.. وجبة خفيفة غنية بالدهون الصحية والكاربوهيدرات المعقدة هتدعم جسمك خلال النوم وخلال اليوم اللي بعده ودا يعتبر حل كويس للرغبة القوية للأكل الكتير.



 طب أكل ايه قبل النوم ؟
⬅️ ابعد تماماً عن الحلويات وأي أكل من برا البيت حتي لو في حدود سعراتك زي الآيس كريم والبيتزا والبرجر وهكذا لأن الأكل دا بيحتوي على دهون غير صحية وسكريات عالية بتزود الرغبة فى الأكل وبتخليك تاخد سعرات أكتر من احتياجك.
⬅️ كل وجبة فيها دهون صحية وكارب معقد وبروتين
دهون صحية زي المكسرات؛ لوز، فول سوداني، عين جمل (حفنة من المكسرات حوالي 30 جرام).
🔹كارب معقد زي الفاكهة (تفاحة) أو شوفان أو بطاطا مشوية ودول مصادر كويسة لإمداد الجسم بالطاقة بشكل ثابت طول الليل.
🔹بروتين زي الجبنة القريش ودي مصدر كويس جداً للبروتين بطئ الإمتصاص اللى بيساعد على الإستشفاء العضلي خلال فترة النوم كلها ، الزبادي .. وصدور الفراخ المشوية.



بعض الدراسات أكدت إن تناول وجبة فيها كاربوهيدارت سريعة الإمتصاص قبل النوم مباشرة بتساعد جداً على نوم أفضل.
🔰 الخلاصة:
⬅️ الأكل قبل النوم مباشرة مفيش منه مشكلة طالما فى حدود احتياج الجسم من السعرات الحرارية أو أقل، وبشرط يكون أكل صحي.
⬅️ سبب فى زيادة الوزن العادات السيئة والأكل قبل النوم خصوصاً الأكل الغير صحي بكميات كبيرة واللى بتأدي لزيادة السعرات الحرارية فوق إحتياج الجسم بكتير جداً.



 ملحوظة مهمة :
 الأكل قبل النوم مباشرة مش كويس لو عندك مشاكل فى المعدة والهضم ويفضل الأكل قبل النوم ب 3 ساعات وعموماً منع الأكل اللى بيعمل مشاكل في النوم زي :
1. الأطعمة الغنية بالدهون.
2. الشوكولاتة.
3. الثوم والبصل والأطعمة الغنية بالتوابل.
4. الكافيين.


👈 المصادر



ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018