لو متاح ليكي تنزلي الجيم يبقي افضل شيء تتمرني الاول بالاوزان والاجهزة تمرني عضلاتك وتقسميها على الايام اللي هتروحي بيها الجيم
العضلات الكبيرة محتاجة من 6 الى 8 تمارين زي عضلات الصدر والظهر والرجل والعضلات الصغيرة محتاجة من 2الى4 تمارين زي الذراع والاكتاف ..
بعد كدة تقدري تختمي تمرينك بأي نوع تمارين هوائية تفضليها سواء زومبا او ايروبكس او اي نوع رقص عموما من 15 الى 30 دقيقة
تقدري تتمرني حديد 3 الى 5 ايام اسبوعيا
لو مش متاح الجيم ليكي يبقى تقدري تكتفي بممارسة الزومبا او اي نوع رقص زي الرقص الشرقي في المنزل من 30 الى 60 دقيقة
ومن 3 ايام الى 6 ايام اسبوعيا حسب مقدرتك
هل هيجيب نتيجة واخس فعلا بالرقص فقط ؟
اه هتلاقي نتيجة بشرط الالتزام بنظام غذائي صحي والابتعاد عن الطعام الغير صحي والمقليات والحلويات وزيادة نسية البروتين في اكلك زي الدجاج واللحم الصافي والبيض والحليب والجبن القريش والفاصوليا والعدسوزيادة الخضروات بأكلك خصوصا الخضروات الخضراء ( لا تزيدي الطماطم زيادة عن اللازم) والفاكهة كمان مفيش نوع من الفاكهة ممنوع حتى التمر او غيره طالما محسوب السعرات وبكمية معقولة
الكربوهيدرات الصحية لازم تدخليها بنظامك ومتقوليش هوقف كربوهيدرات او مش هاكل كربوهيدرات عشان اخس اسرع لان الكربوهيدرات مصدر طاقة اساسي وعدم وجودها بجسمك هيخليكي اكتر عرضة لافساد نظامك الغذائي اسرع
الكربوهيدرات والنشويات الصحية زي الارز الابيض والبسمتي والبني والمكرونة والشوفان والخبز البني و خبز الحبوب الكاملة