| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

ثبات الوزن : ثلاث حالات وحلول لكسر الثبات في فترة الدايت وتقليل السعرات الحراريه

كتير بيجيلي اسئلة عن ناس بتعمل دايت بغرض التخسيس لكن وزنها بيثبت, ثبات الوزن في فترة الدايت له عدة اسباب نقدر نحصرها في فئتين :



الفئة الاولي
ان الشخص يكون بيخسر دهون لكن وزن الدهون بيتم استبداله باشياء اخري منها:
⬅️ انه يكون بيحبس مياه بسبب زيادة كمية الصوديوم في الدايت عن المعتاد "ده مش معناه انك تقطع صوديوم من الدايت لان ده له اخطار لكن انك تحسب الصوديوم في الدايت لان الصوديوم مش فقط الملح انما موجود في الاغذية المصنعة"
⬅️ انه يكون بسبب حبس المياه بسبب زيادة الكاربوهيدرات في الدايت عن المعتاد خصوصا بعد الخروج من انواع الدايت القليلة الكاربوهيدرات.



❌ ملحوظة : الكاربوهيدرات التي تاكله يتم تخزينها علي هيئة جليكوجين في الكبد والعضلات وكل جرام من الجليكوجين يتم تخزينه يقوم بسحب 3 جرام مياه كمتوسط معه.
⬅️ انه يكون حابس مياه بسبب عدم شرب كمية مياة كافية.
⬅️ انه يكون حابس مياه بسبب ارتفاع هرمون الكورتيزول بسبب عدم النوم الكافي او وجود ضغوط في حياته.
❌ملحوظة : ارتفاع مستوي هرمون الكورتيزول بسبب قلة النوم او الضغط العصبي له العديد من الاثار السلبية علي الجسم من ضمنها حبس المياه.


⬅️ انه يكون حابس مياه بسبب تمرينات مكثفة لفترات طويلة ... الافراط في تمارين الكارديو تحبس مياه.
⬅️ انه يكون حابس مياه بسبب انه عامل دايت فيه عجز سعرات كبيرة لفترة طويلة, كلما استمريت فترة اطول في دايت فيه عجز سعرات كبير كلما حبست مياه وربما تكون المياه بسبب whoosh effect.
⬅️ انه يكون حابس مياه بسبب بعض المكملات "الكيراتين كمثال"
⬅️ انه يكون حابس مياه بسبب بعض الادوية العلاجية او الحالات المرضية "الايدما كمثال"
⬅️ بسبب الدورة الشهرية "للسيدات" او انك حامل 😀
⬅️ انك تكون بتكسب عضلات وبتنزل دهون في نفس الوقت, زيادة العضلات بطيئة للاشخاص الذي يتمرنون بدون منشطات لكن قد تحجب نزول الدهون علي الميزان لبعض الوقت.
⬅️ انه يكون عنده امساك بسبب دايت قليل الالياف.
⬅️ المنشطات وبعض ادوية تحسبن الاداء الرياضي بتحبس مياه.



الفئة الثانية
ان الشخص يكون مش بيخسر دهون فبالتالي مش بيخسر وزن وده له عدة اسباب :
⬅️ انه يكون مش بيحسب سعراته بشكل صحيح.
⬅️ انه يكون بيعمل يوم مفتوح كل اسبوع وعدد سعراته عالية بتضيع مقدار العجز اللي عامله طوال الاسبوع.
⬅️ انه يكون عامل عجز في السعرات لبعض الوقت, انه يكون فيه عدد ايام في الاسبوع لا يقوم بحساب سعراتهم.
⬅️ انه يكون عامل مقدار عجز كبير في السعرات لكن بيتبعه ايام مفتوحة ياكل فيها ازيد من اللازم
⬅️ انه يكون بيوزن نفسه في اوقات او ظروف مختلفة, لهذا يجب تثبيت الوقت والظروف التي تقوم بوزن نفسك فيها ويفضل صباحاً قبل اي شرب او اكل.
⬅️ انه يكون الشخص يقوم بامور لا تخفض نسبة الدهون, مثل اتباع انواع دايت معينة بدون حساب عدد السعرات.




❌ ملحوظة : عجز السعرات هو الشيء الوحيد الذي يخفض نسبة الدهون.
⬅️ انه يكون بيقدر عدد السعرات بشكل غلط بعد فترة من نزول الوزن.

.

.

الفئة الاولي اللي بيحصل لها ثبات وزن بشكل مؤقت مش المفروض انها تقلق لانه بسبب زوال الظرف المياه هتنزل .. طبعاً ماعدا اللي بيشربوا مياه بشكل اقل
.الفئة الثانية المفروض تراجع نفسها وخطتها.

 انستجرام كابتن سامح من هنا


ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018