| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

اللبن - شرح أضرار اللبن وهل من الأفضل نبتعد عنه تماما كما يقول البطل محمود الدره ؟


هذا المقال به رد من المدرب سامح عقل علي فيديو البطل محمود الدره الذي حذر فيه من استخدام اللبن وبه توضيح عن اضرار اللبن وهل يمكننا استخدامه ام ا نبتعد عنه تماما كما اشار المدرب والبطل المعروف محمود الدره 

اولا محمود الدرة بطل حقيقي وانا ياما نزلت بوستات تشجيع له قبل اوليمبيا واكيد هنزل بوستات تشجيع له في كل بطولة يدخلها والبوست ده مش المقصود التقليل منه خالص بالعكس انا فعلا بقدره مش كلامالمقال ده للرد علي اسئلة ناس كتير بتسال عن حاجة   قالها البطل محمود الدره وبتطلب رايي وده رايي لمن يهتم دورت كتير ورا كلامه ولو كان الكلام صح مكنتش هاتردد اشيل الالبان من كل انظمتي

-

الفيديو كان معمول بناءا علي اللي اتقال انه كندا منعت اللبن لان له اضرار واول برنت لجزء من فيديو الدرة انه عامل الفيديو عشان توصيات جديدة من canada's food guideالحقيقة انك لو دخلت علي canada's food guide هتلاقي حاجات عكس اللي اتقال في الفيديو.
اولا مفيش في الموقع اي تحذير من الالبان ولا مشتقاتها.
ثانيا هتلاقي انه علي الموقع فيه توصية لاستهلاك الالبان كمصدر للكالسيوم ودي سكرين من الموقع
 "مصدر الصوره"


ثالثا
 هتلاقي وصفات علي الموقع للاكل الصحي فيه حاجة زي apple pie oatmeal وهتلاقي من مكوناتها الالبان.
الرابط مصدر الصوره

رابعا هتلاقي في توصيات التغذية الصحية للسيدات الحوامل منتجات الالبان لكنها نصحتهم بالابتعاد عن الالبان الغير مبسترةالرابط مصدر الصوره 

خامسا هتلاقي في توصيات التغذية الصحية للمسنين برضوا منتجات الالبان لكنها نصحتهم بالابتعاد عن الالبان الغير مبسترة الرابط مصدر الصوره  

سادسا
 حتي توصيات التغذية الصحية للاشخاص اللي مناعتهم ضعيفة نصحتهم بمنتجات الالبان وبرضوا الابتعاد عن اللابان الغير مبسترة
الرابط مصدر الصوره  

ونهايته ..
بالنسبة للدراسة دي دراسة ترابط كانت نتيجتها ان اللي بيحصلهم كسر في الورك لما سالوهم عن عاداتهم الغذائية لقوا انهم بيستهلكوا البان
انما مفيش اي علاقة مباشرة ولا دراسة محكمة قالت كده 

و الفرق بين دراسات الترابط والدراسات الحقيقية Correlation does not imply causationالقاعدة دي المفروض ان اي حد بيقرا اي مقالات علمية يكون فاهمها ... فيه دراسات كتير قاست ارتباط لكن الارتباط مش بالضرورة يكون السبب ... كان الدحيح عامل فيديو عن العلاقة دي وكان عارض نتائج مضحكة عن ان الارتباط مش بالضرورة يكون سبب

 .. اكتر حاجة ضحكتني كانت الغرق وعلاقته بزيادة استهلاك الايس كريم ..
 ارتباط لكن الحقيقة انه عشان الاتنين في الصيف وكمان فيه دراسات عن زيادة استهلاك الجبنة الموتزاريلا والناس اللي بتاخد دكتوراة في الهندسة المدني.
فيديو الدحيح علي هذا الرابط


فيه دراسة قاست الترابط بين استهلاك اللبن وبين حاجات كتير وكانت دراسة واسعة علي 60 الف سيدة و45 الف رجل لمدة 22 سنة ... كانت نتيجتها ان اللي سجلوا استهلاك لبن كتير لمدة اطول ماتوا اسرع ... الدراسة مكنتش بتقيس بدقة انما كانت بتسال المشاركين اللي شملهم الاستطلاع .. وكمان ارتباط زيادة اللبن بكسور في الورك.رابط الدراسة هنا


الباحثين لما حاولوا يقروا النتايج قالوا ان مادة ال دي جلاكتوز الموجودة في اللبن زيادتها بكثرة في اللبن كان عمل للحيوانات "وليس للبشر" oxidative stress وده غير مثبت علي البشر لسه.


عموما دراسات الترابط مفيده انها بتفتح الباب لدراسات تانية مدققة control experiment انما مبيتاخدش بيها ولا بنتائجها لانها ممكن تكون مضللة وده معروف في المجتمع العلمي كله مش كلام من عندي. 
فا لو عايز تصدق ان اللبن بيعمل كسور في الورك وبيزود معدلات الوفاة يبقي تروح تاكل موتزاريلا وتتوقع ان ده السبب في انك هتاخد دكتوراة في الهندسة المدني 😀


زي ما فيه دراسة ترابطية بين استهلاك اللبن وهشاشة العظام وارتفاع معدلات الموت .. فيه برضوا دراسة ترابطية قديمة كانت نتيجتها ان استهلاك اللبن بيزود من معدلات الطلاق في ولابة الاباما.هل ده معناه انك لما تشرب لبن كتير هاتطلق مراتك ؟


انستجرام كابتن سامح هنا

ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018