دايت صحي بدون حرمان أفضل من رجيم قاسي لنزول الوزن بسرعه / أسباب فشل النظام الغذائي

خمسة  أسباب لفشل معظم أنواع الدايت

-----------------------

بنسمع عن ناس كتيره بيعانوا من الزياده في الوزن بالرغم من انهم مش بياكلو كتير.....
ده ليه... لإن معدل الحرق عندهم ضعف جدا من تكرار عمليات الدايت الغلط
و معظم الناس الي بتعمل دايت بترجع تزيد الي خسته (ويمكن أكتر). ولإن بسبب بعض أنواع الدايت بيخسوا مياه و عضلات فبالتالي حرقهم بيقل جدا بسبب نقص العضلات.
( العضلات بتحرق ٧ أضعاف السعرات الي بتحرقها الدهون).


ليه ده بيحصل ؟؟؟
------------


١- بنعتمد علي الإراده في التحكم في الشهيه.
للأسف معظم الدايت بتحث علي تقليل كميات الأكل و بالتالي الشعور بالجوع المستمر.
و بيحاول يقنعك انك لما تجوع اوي معناها كده انك بتحرق دهون!!
بالعكس لما بنجوع أوي (خصوصا لو معتمدين علي نوع دايت منخفض الدهون)، شراهتنا للأكل بتزيد و حرقك بيقل علشان الجسم يقدر يحافظ علي طاقته.




٢- بنعتمد فقط علي عدد سعرات و ليس جوده السعرات.
اهم حاجه تاكل سعرات محدوده و مش مهم جايه منين سواء من خضار و فراخ أو من بسكوت دايت و جرانولا!!




٣- معتمد علي نظام Low Fat أو قليل الدهون
فمثلا تاكل البيض من غير صفار
أو تشرب لبن خلي الدسم
و زبادي قليل الدسم اعتقادا منك انك كده هتخسي بصحه




٥- عندك أسباب خفيه تعوقك من فقدان الوزن و محتاجه استشاره طبيه
زي التهابات الطعام
او خرم في الأمعاء
Leaky gut
و ده هنشرحه بالتفصيل في موضوع  منفصل




٥- و ده في اعتقادي من أهم الأسباب هو ان
 معندكيش خطه واضحه تقدري تمشي بيها مدي الحياه و تناسب ظروف حياتك المختلفه من سفر، تعب، قله مزاج، ضغط نفسي......
و لكن انتِ مرتبطه بورقه دايت صارمه جدا مينفعش تاكلي حاجه غير المكتوب فيها و بالتالي مع أي ظرف مفاجئ يقابلك ...نطامك بيبوظ تماما و ترجعي تأنبي في ضميرك و تلومي نفسك إن إرادتك ضعيفه.
المشكله مش في إرادتك....المشكله في الورقه الي انتي ماشيه عليها.


تعليقات