البروتين الذي يحتاجه الجسم يوميا : شرح بسيط للمبتدئين ازاي احسب احتياجي من البروتين ؟ كم جرام يحتاجه الجسم في اليوم ؟

حساب احتياجك من البروتين

بما ان البروتين أهم عنصر لبناء العضلات يبقي لازم تحسبه عشان تختصر على نفسك الوقت وتوصل لأقصى استفادة

ازاي احسب احتياجي من البروتين؟

1. كل كيلو جرام من جسمك محتاج 1.6 جرام بروتين عشان يبني عضلات إلى 2.2 جرام بروتين
2. لو في فترة الصخامة تقدر تستخدم 1.6 أو 1.8 جرام لكل كيلو من جسمك وقابل للزيادة
3. لو بتنشف بتضطر ترفع عدد جرامات البروتين إلى 2.2 جرام أو 2 جرام لكل كيلو من جسمك عشان متخسرش عضل
4. تابع جسمك على أنسب نسبة وشوف اللي جسمك مستجيب له اكتر

لو وزنك عالي وعندك نسبة دهون عالية بتحاول تضرب نسبة البروتين دي في أقرب وزن ليك وانت 12-15% دهون
يعني لو نسبة دهونك 40% هتحاول تقربها إلى 12-15% وتعرف وزنك في النسبة دي بالتقريب واستخدم المعادلة عادي

جرام البروتين فيه 4 سعر حراري يعني لو احتياجك من البروتين يوميا 100 جرام بروتين كمثال هتستهلك 400 سعر حراري من البروتين فقط

البروتين العالي موجود في : صدور الدجاج ، اللحوم الحمراء ، البيض ، الألبان ومشتقاته ، الجبن القريش ، العدس ، الشوفان ، الترمس ...

تقدر تعرف نسب البروتين الموجودة في كل الاكل عن طريق هذا الموضوع الذي نظمناه سابقا بترتيب لأفضل مصادر البروتين وكم جرام موجود بالوجبه .

البروتين النباتي يمكن الاستفادة منه في حال كلته في يومك مع بروتين حيواني أو أكلت اكتر من نوع بروتين نباتي هنا هتحقق استفادة من البروتين النباتي عادي جدا

©️ تابعو حساب الانستجرام الخاص بكابتن سامح كاتب المقال من هنا