نظام تدريب خاص بك ومتابعه شخصيه , اشتري نظام غذائي ونظام تمارين بالفيديو للبيت او للجيم

نظام غذائي + نظام تمارين بالفيديو

المتابعه اونلاين علي واتساب تكون كالتالي أولا : نظام غذائي يتم تصميمه مخصوص ، بناء علي حالة وهدف المشترك : 1_ (تنحيف وشد ) 2_ ( زيادة الوزن وعلاج النحافه ) 3_ ( تنسيق القوام Reshape ) ثانيا :  نظام تمارين مشروح بالفيديو يناسب مستوي المشترك  "فيديو لكل تمرين لتوضيح الاداء الصحيح " يوجد جداول تمارين مناسبه لجميع المستويات ونراعي ان تكون انظمة التمارين تناسب مكان التدريب . 1_ ( نظام تمارين منزلي بادوات بسيطه ) 2_ ( نظام تمارين منزلي بدون اي ادوات ) 3_ ( نظام تمارين بأجهزة الجيم والنادي  ) ثالثا : متابعة المشتركين من خلال تطبيق واتساب بتسجيلات صوتيه . " لن يتأخر الرد علي رسالتك اكثر من 24 ساعه"  ولفهم تفاصيل اكثر يمكنكم مشاهدة هذا البث المباشر  وإليكم بعض التفاصيل للتوضيح جميع الانظمه تصمم علي أساس علمي ويتم ذلك بناء علي بيانات الشخص ومنها :  ( السن - الطول - الوزن - شكل الجسم والشيب - الامراض والحاله الصحيه - النشاط اليومي - مكان التدريب والادوات المتاحه - مستوي المتدرب وقدرته علي رفع الاوزان ) , وتفاصيل أخري . وإليكم بعض الأمثلة مثال لنموذج من الدايت محسوب الكالوريز 

الدايت مش حرمان : تعلم كيف تستمر علي النظام الغذائي بدون معاناه او تعب

ليه أنا مش بقدر استمر علي الحياه الصحيه فتره طويله و برجع تاني ألغبط في أكلي؟


ديه مشكله ناس كتير بقابلها خلال coaching sessions
و بلاحظ ان سببها الرئيسي هو انهم حاصرين نفسهم في نظريه 'يا أبيض يا إسود'




يا باكل صحي طول الوقت و بطريقه صارمه جدا
By the book
يا إما لو لغبط الدنيا كلها بتتلغبط و مش بعرف اسيطر علي أكلي تاني و بيفضل عندي شعور بالمضايقه بسبب اني لغبط
لو ديه مشكله بتقابلك هقولك علي الحل
---------------

أول حاجه تعديل الهدف
لو انت قررتي تتبعي الحياه الصحيه بس علشان تخسي فياريت تعدلي هدفك
لإن بالتجربه لما ده بيكون هدفك الوحيد و هو الحافز ليكي فبالتالي تبدئي بانك تكوني صارمه اوي في اختيارات اكلك و تتبعي سياسه
All or nothing
و تفضلي ٢٤ تفكري تاكلي ايه و متاكليش ايه
فده هيخليكي تتعبي بسرعه و تقرري تتمردي علي
النظام ده.
(و ده سبب فشل اي نوع دايت بتعمليه)



طيب ليه ناكل صحي؟
--------------
- الحياه الصحيه هي عباره عن رحله بتسبتي فيها لنفسك انك بتحبيها كفايه و انها تستحق منك انك تديها بنزين ٩٥ مش ٨٠
- الحياه الصحيه بتساعدك إنك تلاقي التوازن في أكلك الي يديكي شعور بالسعاده و الي يساعدك تتقدمي في جوانب حياتك المختلفه
- الحياه الصحيه هي انك تبني نظام غذائي خاص بيكي إنت و يتناسب مع جسمك و احتيجاته و يكون فيه مرونه
- الحياه الصحيه مش معناها اني أكون ملتزمه بنظام غذائي طوووول الوقت و لكن معناها إني اكون مهتمه و واعيه بصحتي معظم الوقت.



كتير مننا بيجيله وقت و بيكون off track
ولكن بالعلم و المعرفه بنقدر نرجع تاني on track
بسهوله و بدون تأنيب ضمير
و في اعتقادي ان معظم الناس الي عايشينها يا أبيض يا أسود
و بيدوروا طول الوقت علي المثاليه هما أكتر ناس بيجدوا صعوبه في إنهم يستمروا علي الحياه الصحيه فتره طويله تابعو المقالات القادمه لحياه صحيه أمنه بدون تعب .



تعليقات