الشوفان للتخسيس ام زيادة الوزن ؟
الشوفان واحد من الاكلات اللي ظهرت مؤخرا بشكل واضح داخل الانظمة الغذائية وخصوصا الرياضيين بيهتموا باستخدامه لكن كتير بنشوف ناس تقول الشوفان للتضخيم او زيادة الوزن وناس تقول الشوفان للتخسيس
اولا:
من اسباب انتشار الشوفان بالشكل ده هو فوائده الكثيرة منها :
خفض مستوى الكورستيرول في الجسم
غني بمضدات الاكسدة
خفض مستويات السكر في الدم
المساعدة على خسارة الوزن لانه بيزيد من الاحساس بالشبع بشكل كبير
خفض ضغط الدم
ثانيا :
هل الشوفان للتخسيس ولا لزيادة الوزن ؟
مفيش اي نوع اكل بيزود الوزن او بيقلل الوزن وده خطأ شائع ناس كتير بتقع فيه هو انه يعتقد ان نوع اكل او فاكهة معينة دي بتزود الوزن او بتقلل الوزن والكلام ده خاطيء مفيش اكلة بتزود الوزن او بتقلل الوزن امال ايه اللي بيزود الوزن او يقلل الوزن ؟
هنا السعرات الحرارية هي الفارقة بمعنى لو انتي محتاجة تزودي وزنك واحتياجك من السعرات لو هو 2000 سعر حراري عشان تزيدي (كمثال) يبقي لو اكلتي من ضمن السعرات دي الشوفان وزنك هيزيد
ولو انتي عايزة تخسي وجسمك محتاج 1500 سعر حراري (كمثال) عشان وزنك يخس يبقي لو اكلتي من ضمن السعرات دي الشوفان وزنك هيقل
ده معناه ان مفيش اكلة بتزود الوزن او بتقلله السعرات الحرارية هي المتحكم الوحيد بدة
طيب معنى الكلام ده اني اكل برجر وبيتزا واكل غير صحي في حدود سعراتي ؟
مش معنى ان السعرات الحرارية هي العامل المتحكم في زيادة او خسارة الوزن يبقي اختار الاكل الغير الصحي لان الجسم مش هياخد اي فائد حتى مش هيحس بالشبع عشان كدة الاكل الصحي هو الاساس سواء بتخسي او بتزودي وزنك
(لمعرفة كيفية حساب جسمك من السعرات اضغط هنا)
ثالثا : ايه هي القيمة الغذائية للشوفان وسعراته ؟
يحتوي 100 جرام من الشوفان النيء على :
374 سعر حراري
14 جرام من البروتين
57 جرام من الكاربوهيدرات
7 جرام من الدهون
10 جرام من الالياف
كدة الشوفان بيكون كله مميزات سواء عايزة تخسي او تزودي وزنك لانه مصدر ممتاز للكاربوهيدرات وايضا البروتين والالياف
الشوفان من الاكلات اللي تقدري تطبخيها باكثر من طريقة سواء على الافطار او الغداء او سناكس وده هنتكلم عليه بالمقال القادم
تعليقات