ليه لازم نعمل ديلود وازاي نعمل Deload ؟

النهارده هنتكلم عن موضوع بيحصل لناس كتير

 و ان هو يكون بيتمرن كل يوم و بيزود الاوزان بطريقه مستمره و مره واحده يلاقي نفسه مش قادر يزود او ممكن حتي مش قادر يشيل نفس الاوزان اللي كان بيشيلها .. ده في الأغلب بيكون بسبب الاجهاد البدني و العصبي بسبب التمرين المستمر بدون راحه و في الوقت ده هنحتاج نعمل Deload .

ايه هو ال Deload ؟
هو بكل بساطه اسبوع بناخده راحه بعد ما نكون خلصنا cycle ال Bulk او التنشيف اللي هي بتكون في حدود من ٥ الي ١٢ اسبوع كحد اقصي .. لكن بتكون الراحه ديه راحه غير سلبيه او مش راحه بشكل كامل.

مين يعمل ال Deload ؟
لو انت واحد بتتمرن ٣ او ٤ ايام في الاسبوع فا انت في الاغلب مش محتاج تعمل Deload.
لو انت لسه مبتدأ فانت مش محتاج ال Deload لأنك لسه بتكتسب عضلات جديده.
لو انت بتتمرن ٥ او ٦ ايام و كل تمرين او اسبوع بتزود اوزان فانت محتاج تعمل Deload
لو انت سنك كبير هتحتاج تعمل Deload

ليه نعمل Deload ؟
بعد مرور وقت بيبدأ الجسم يحس بإجهاد عضلي و ضغط جامد علي الجهاز العصبي نتيجه لحمل اوزان تقيله بصوره مستمره و وجع في المفاصل او الاوتار فبيبدأ الأداء في التمرين يثبت او يقل و يبدأ الإجهاد "fatigue” يزيد -حتي لو مظبط أكلك و نومك- فبنعمل الديلود علشان الجسم ياخد وقت يعمل إستشفاء "recovery” و يقدر يرجع يشتغل بنفس الكفاءه

ازاي اعمل Deload ؟
هتلعب اسبوع تمرين و لكن هتقلل الاوزان بنسبه ٤٠٪؜-٦٠٪؜ .
يعني مثلا لو بتلعب Bench press ب ١٠٠ كيلو هتلعب الاسبوع ده ب ٦٠ كيلو
و ممكن كمان تقلل العدات ، يعني مثلا بدل ماتلعب ١٠ عدات * ٣ مجاميع هتلعب ٥ عدات * ٣ مجاميع

كتب : Mahmoud Bahaa. Mandour