| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

هل الحرق في الشتاء اعلى من الحرق في الصيف ؟


 من الاسئلة المنتشرة عند ناس كتير وبتشغل بالهم هي الحرق في فصل الصيف اعلى ام في فصل الشتاء
 او مقولة

" التنشيف في الصيف والتضخيم في الشتاء " 

ناس تقول التنشيف وخسارة الوزن الافضل في الصيف وناس تقول التنشيف وخسارة الوزن والدهون بالشتاء افضضل لان الجسم بيضطر يحرق سعرات اكتر عشان يحافظ على درجة حرارته من الجو البارد انهي الصح ؟

الفكرة الشائعة للنشيف بالصيف والتضخيم او زيادة الوزن بالشتاء دي فكرة مش ثابتة لكل الناس ...

اولا البنات اللي عايزة تزود وزنها :


في بنات في الشتاء بتكون شهيتهم اكبر للاكل في الصيف وحركتها بتكون اقل عن الصيف فهيكون جو الشتاء مهيء لها لزيادة الوزن يعني المساعدة على التضخيم واستغلال الشهية للاكل صحيح في النظام الغذائي للراغبين في زيادة الوزن ..

 لكن غلطة كثير من البنات اللي عايزين يزيدوا وزنهم بيقعوا فيها هي الاكل المفتوح بالشتاء وتاكل مقلي وحلويات وكميات مفتوحة من الاكل وبعد كدة تعاني في الصيف لما يلاقي دهون زائدة وعايزة تجهز ل"فورمة الصيف" وتلاقي مفيش وقت عشان كدة نصيحة للبنات اللي شهيتها في الشتاء بتكون اعلى وعايزة تزود وزنها انهم يلتزموا بالنظام الغذائي الصحي المحسوب عشان يتجنبوا الدهون الزائدة وقت الصيف ويكون مفيش وقت تنشف والصيف يضيع لذلك يقال "جسم الصيف يصنع في الشتاء" بمعنى بلاش مبدأ اكل براحتي في الشتاء وانشف او اخسر الدهون في الصيف لانك هتعاني مع الدهون الزائدة وقت اطول

ثانيا للراغبات في خسارة الوزن والدهون :


هل مقولة ان في الشتاء الحرق بيكون اعلى من الصيف لان الجسم بيحاول الحفاظ على درجة حرارته من البرد دي صحيحة ام لا ؟
المقولة دي صحيحة لكن مش بالنسبة اللي تعمل تغيير ولو بسيط في الدايت ونزول الوزن لانها بتكون عبارة عن سعرات حرارية لا تذكر ولا تؤثر بشيء بسيط حتى.
فهنا لو انتي عايزة تخسري وزنك سواء في الصيف او في الشتاء الموضوع مش هيفرق كتير بشرط واحد وهو الالتزام بسعراتك الحرارية وتقليل منها 500 الى 700 سعر حراري ونسبة بروتين كافية للحفاظ على العضلات والنوم بشكل منتظم غير متقطع .
لو انتي عايزة تخسري وزنك وبعندك مشكلة في فصل الشتاء ان شهيتك بتكون اعلى الحل انك تعرفي ايه سبب الجوع ده هل خلل في نظامك الغذائي ؟ هل حرمان زائد في الدايت ؟
الخلل في النظام الغذائي ممكن يكون انك مش مقسمة وجباتك بشكل يناسبك انتي يعني لو بتلاحظي انك بتجوعي ليلا اكثر من النهار خلي اغلب سعراتك بالليل او خلي اكبر وجبة هي العشاء والاكل ليلا او بعد الساعة 7 مش هيزود وزنك ده من الخرافات الشائعة طالما حاسبة سعراتك ونظامك الغذائي سليم الوثت مش هيفرق الاهم هو عدد السعرات اللي دخلت جسمك خلال اليوم وكدة هتكوني اتجنبتي جوع الليل واحرصي على البروتين في وجباتك لانه هيديكي احساس اطول بالشبع زي الدجاج واللحوم الحمراء والسمك والتونة والبيض واللبن والجبن القريش والعدس والحمص الخ..

 وممكن تشربي اعشاب بسكر دايت كل ما تحسي بجوع لانه غالبا بيكون جوع وهمي من الملل واحرصي على شرب المياه باعتدال وقدر كافي لتجنب الجفاف وممكن تشربي كوب او 2 من المشروبات الغازية الدايت او البيبسي الدايت مع الحرص على ان بيدخل لجسمك قدر كافي من الكالسيوم ممكن بمساعدة مكمل كالسيوم من الصيدلية
احرصي على الخضروات والفاكهة في نظامك الغذائي سواء كسناك بين الوجبات او بجانب الاطباق الرئيسية
احرصي على النوم مبكرا وعدم السهر اطلاقا لان السهر سبب رئيسي في الاحساس بالجوع وافسادة النظام الغذائي
في النهاية سواء كنتي عايزة تزيدي وزنك او تقللي وزنك مش هيفرق في الصيف او الشتاء اهم شيء الالتزام بالنظام الغذائي الصحي المحسوب والنوم مبكرا بقدر كافي وممارسة الرياضة لو في الاستطاعة
ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018