| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

بتتمرني ومفيش نتيجة ؟ شوفي الاخطاء دي وتجنبيها

معروف ان النتائج في الرياضة مش بتظهر في يوم وليلة او حتى شهر وان الموضوع بيحتاج وقت طويل والتزام وصبر لكن لو النتائج اخرت جدا رغم انك شايفة انك بتتمرني بانتظام ومظبطة اكلك يبقي اكيد بتعملي بعض الاخطاء دي



1\ مش بتحسبي سعراتك الحرارية 

كل جسم له احتياجته الخاضة من السعرات الحرارية سواء عشان يزيد او يخس او يثبت وانك مش بتحسبي السعرات كدة بيكون في احتمال انك بتاكلي اكتر من سعراتك او حتى بتاكلي اللي يخليكي ثابتة وكمان ممكن تكوني بتدخلي اكلات سعراتها مش قليلة وانتي مش عارفة زي البلح كمثال . ولو مش بتعرفي تحسبي سعراتك



لازم تعملي عجز سعرات ودي بقلل فيها من 300 الى 500 كالوري عن احتياجك اليومي من السعرات الحرارية (موجود طريقة حساب احتياج الجسم من السعرات على الموقع)
لما تعرفي احتياج جسمك من السعرات هتشتري ميزان طبخ عشان تعرفي السعرات الحرارية اللي فالاكل بدقة وتعرفي جسمك دخله قد ايه وفاضل له قد ايه من الاكل

بعد حساب احتياجك من السعرات ايه نوعية الاكل اللي تاكلها ؟

لازم تراعي ان نظامك الغذائي يكون صحي يعني تبعدي عن البيبسي والشيبسي والحلويات والمقليات والاكل السريع واكل المطاعم لان كل دي اكلات مليانة بالدهون والسكريات وكمان مش هتديكي احساس بالشبع زي الاكل الصحي وجسمك مش هيستفاد بيها وهتزودك دهون بالتالي هتلاقي النتيجة مش كويسة وممكن يحصل ترهل وتتفاجئي بترهل بعض الاماكن في جسمك
الحل انك تاكلي بروتين اكثر وكاربوهيدرات ودهون اقل



البروتين العالي موجود في اكلات زي :

صدور الدجاج والاسماك واللحوم الحمراء الغير مصنعة والبيض واللبن والجبن القريش والفول السوداني والعدس والحمص الخ...
الكاربوهيدرات الصحية اللي تاكل منها :
الارز والمكرونة والشوفان والذرة مشوية او مسلوقة وبرضو العدس والبليلة والبطاطس والبطاطا والخبز الاسمر
وابعدي عن الخبز الابيض والمعجنات والسكر والبيتزا
الدهون الصحية :
ضرورية للجسم هتلاقيها في زيت الزيتون والمكسرات زي اللوز والفول السوداني والكاجو والفستق والسلمون والافوكادو
تقدري تعرفي القيمة الغذائية لاي اكل (البروتين والكاربوهيدرات والدهون) من الموقع

2\ بتتمرني بزيادة :

هو التمرين الزائد سلبي ؟ اكيد لو مش بتراعي فترات الاستشفاء لعضلاتك والجسمك والراحة وبتديله تمرين اكبر من طاقته مش هيتحسن وممكن كمان تيجي بنتيجة سلبية عشان كدة اتمرني باعتدال وادي لجسمك فترته للاستشفاء والراحة لان الجسم بيعيد بناء الخلايا اللي تلفت في التمرين اثناء الراحة خصوصا في النوم ليلا



3\ مش بتهتمي بالفيتامينات والمعادن

الفيتامينات والعادن مش بس ضروريين لصحة جسمك كمان في بعض الفيتامينات نقصها بيؤدي الى تقليل سرعة الحرق عشان كدة احرصي على الخضروات والفاكهة في يومك واتعرضي للشمس 1= دقائق على الاقل يوميا عشان تحصلي على فيتامين د
ممكن تشتري مكمل غذائي "مالتي فيتامين" من الصيدلية لضمان وصول احتياجاتك كاملة بجانب الاكل من الفيتامينات والمعادن



4\ بتتدربي عشوائي

العشوائية سواء في الاكل او التمرين هتأخر من النتائج عان كدة احرصي على انك تصممي جدول تدريب مناسب ليكي مش تروحي تلعبي على اي اجهزة في الجيم

5\ مش بتاخدي كفايتك من النوم

النوم مهم جدا للاستشفاء واعادة بناء جسمك

6\ العصبية والقلق

الصحة النفسية مهم جدا تكون كويسة ابعدي عن التوتر والقلق والاكتئاب الدائم
ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018