| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

العقله للبيت pull ups في البيت - ما هي فوائد تمرين العقلة وكيفية الأداء الصحيح للعقله في المنزل



تمرين العقلة من اشهر التمارين في الرياضات كلها مش في الجيم بس ودة بسبب اهميته وكمان لانه بيطلب جسم قوي واعصاب قوية ومش من التمارين السهلة اللي تقدر تجيب فيها اعداد كبيرة زي تمارين البطن مثلا لكن مع التدريب والاستمرار بيكون متاح ليك تلعبها كمبتدأ


ماهي  هي فوائد تمرين العقلة ؟

العقلة ليها فوائد ومميزات كتيرة منها انها مش مكلفة جدا ولا بتحتاج شراء ادوات كتير واللي بتكون غالبا مكلفة علي عكس تمرين العقلة هي شبيهة بالعصى وبتتركب على الحائط او السقف وتقدر تتمرن عليها اكثر من نوع لتمارين العقلة


ميزة كمان لتمرين العقلة انه تمرين بيستهدف اكثر من عضلة في وقت واحد
العقلة عضلاتها الرئيسية الظهر لكن كمان بتشغل الذراع خصوصا الباي والاكتاف والساعد والجسم العلوي عموما وكمان بيقوي قبضة الايد لان الجسم بيكون محمول على قبضة الايد ودة اللي هيساعد في حاجات كتير منها لاعبين الفنون القتالية او في الحياة اليومية العامة عشان كدة العقلة اختيار مثالي لتمرين المنزل

العقلة من التمارين اللي بتحرق سعرات حرارية بشكل كبير خلال ممارستها لان زي ما ذكرنا بتحتاج لمحهود كبير مبذول لانها مش بتعتمد على عضلة واحدة فقط العقلة بتحتاج اكتر من عضلة عشان يتم ادائها بالتالي حرق سعرات حرارية بشكل اكبر وبناء عضلات بصورة افضل

العقلة من التمارين اللي بتساعد على بناء العضلات واعطاء الجسم مظهر جميل واكسابه المزيد من الليونة والمرونة

العقلة بتزيد من قوة التحمل وقوة الجسم عموما

العقلة بتتيح ليك انك تتحكم في شدتها عن طريق انك تربط اوزان في خصرك ودة هيساعد على بناء عضلات اقوى

كيف اتمرن العقلة ؟ او ما هو الأداء الصحيح لتمرين العقله ؟

لو انت مبتديء ولسة مجربتش تلعب عقلة مطلوب منك تجرب الاول لو عرفت تجيب عدة كاملة يبقي هتزود كل يوم عدة او 2 لحد ما توصل للعدد المطلوب
لو معرفتش تعملها يبقي هنا هتحتاج مساعدة , ودي خطوات ونصائح هتخليك تقدر تلعب عقله لو مابتعرفش

1- بدل نوع تمرين العقلة .. لو صعب عليك تلعب العقلة بالقبضة الواسعة المنتشرة غيرها واتمرن chin up بمعنى تضيق قبضة ايدك وتخلي كف ايدك مقابل لوجهك الطريقة دي اسهل كبداية كما تري في هذه الصوره 

لو قدرت تجيب بيه عدو كاملة كرر الموضوع يوم ويوم راحة مع زيادة العدات في كل مرة عدة او عدتين حسب ما تقدر

2- لو مقدرتش برضو تلعب بالطريقة دي في حلين الحل الاول انك تستعين بمساعدة شخص يرفعك لاعلى وتحاول تنزل انت لوحدك ببطيء واول ما تنزل يرفعك تاني وهكذا..

3- الطريقة الثانية انك تجيب كرسي وتقف عليه وتنط لاعلى نقطة فوق وتنزل لوحدك ببطء وتحكم وبعدين ترفع نفسك تاني عن طريق انك تنط اول ما رجلك تلمس الكرسي

حاول تأدي التمرين بالشكل ده وبعد ما تكون متمكن منه شيل الكرسي وابدأ اتمرن العقلة العادية بدون استعجال برضو وبالتدريج
لو وزنك زائد او نسبة دهونك غير قليلة لازم تواجه صعوبة في اداء تمرين العقلة فبيكون ضروري خفض نسبة دهون جسمك لاداء العقلة بشكل صحيح وده عن طريق النظام الغذائي

اشتري منين العقلة ؟

العقلة متوفرة عند كل المحلات المتخصصه في بيع الادوات الرياضية ولو مش موجوده بجوار بيتك تقدرو تشتروها اونلاين من مواقع كتيره جدا

ملحوظات مهمة :

العقلة مش تمرين لزيادة الطول والطول ملهوش دعوة بالتمرين ، الطول المتحكم فيه هي الجينات فقط لكن مع اداء تمارين العقلة والاستمرار عليها لو بتعاني من تقوس بسيط العقلة ممكن تفرد لك ضهرك ودة اللي هيخليك تبان اطول لكن الحقيقة ان جسمك فرد مش ان العقلة بتطول ..

العقلة مش تمرين للتسخين ويجب الاحماء جيدا قبل اداء العقلة والا هتعرض نفسك للاصابات والمزق .

نتمني لكم التوفيق وتابعو الموضوعات القادمه :) .
ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018