| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

الزهق والملل من الدايت - تغيير الرجيم

⭕️ الزهق والملل من الدايت

اغلبنا بيزهق ويمل من الدايت وده اكبر اسباب عدم الاستمرار عند الاغلب 😞

طيب ايه علاج المشكله دي ؟
🧐 العلاج بسيط



✋اولا : لازم تقتنع تماما ان مفيش اي ممنوعات في الدايت يعني ولا المانجه ممنوعه ولا الموز ممنوع ولا العنب ممنوع ولا البطاطا ممنوعه الخ.


🔥كل الاكل متاح بشرط انك تستخدم طريقه صحيه في طبخه .

- يعني مثلا عاوز اكل بطاطس يبقي قدامك طرق كتير صحيه . تسلقها او تعملها بطماطم او تشويها او تعملها في فرن ودجز الخ



⭕️واهم نقطه في الممنوعات انك لازم تعرف ان الدهون مش ممنوعه بس ليك كميه في اليوم حوالي ربع سعراتك يعني تقريبا من معلقتين ل4 معالق زيت يوميا تقدر تستخدمهم في طبخ اكلك علشان الاكل يطلع طعمه حلو ومقارب للاكل قبل الدايت .


⭕️ ثانيا : لازم يكون عندك نسبه مرونه في نظامك الغذائي يعني افضل ما تحرم نفسك من بعض الاكل الغير صحي زي شيكولاته من نوع معين بتحبها او شيبسي من ماركه معينه او عصير معين الخ
قدامك حلين يا تشوف اقرب طريقه لعمل الصنف ده بطرق صحيه يحسسك بعدم الحرمان منه او الطريقه التانيه . انك تستخدمه يوميا بس باقل كميه ممكن .


😍 مثال : حد بيعشق النوتيلا ومش قادر يبطلها ولا قادر يلاقي بديل ليها ف بيعمل دايت وبسبب حرمانه منها بيجي يوم او 2 بيفتح اكل بقي وياكل منها كميات رهيبه 😞



- يبقي الافضل انه يستخدم يوميا معلقه صغيره منها علشان ميحسش ب الحرمان ويقدر يستمر في نظامه غذائي .


⭕️ ثالثا : لازم تربط الموضع بصحتك مش بوزنك
اغلبنا بيربط الدايت بوزنه بس وانه نزل علي الميزان او منزلش وممكن بسبب كده يحس باليائس ويوقف الدايت.


لكن لو ربطت الموضوع بصحتك وان فوايد الدايت تتعدي وزنك وانها هتفرق في حياتك كلها الموضوع هيختلف معاك 360 درجه لان سواء وزنك نزل ولا ثابت ولا حتي زاد شويه انت بتحمي نفسك من اغلب امراض العصر زي السكر والضغط والكولسترول الخ


⭕️ رابعا : لازم اهدافك تكون واقعيه
اغلبنا بيحط اهداف غير واقعيه خصوصا علي مستوي الوقت يعني تلاقي واحد طول عمره بياكل ويتخن بس لما يقرر يخس عاوز يخس في شهر بكتير .لانه معتقد هيخس في شهر ويرجع بقي ياكل براحته تاني . وفي الاخر بيفضل طكالع نازل وعمره ما يوصل لهدفه . لكن لو حط هدف واقعي زي مثلا انه ينزل وزنه ف 6 شهور او سنه هيبقي راضي ديما بنتيجه ومع الوقت هيحقق هدفه.


- نفترض شخص بينزل شهريا 3 كيلو فقط . ممكن انت شايفه رقم صغير لكن بعد 3 شهور هتلاقيهم 9 كيلو وبعد 6 شهور هتلاقيهم 18 كيلو . ساعتها هتحس بفرق شاسع في حياتك وصحتك .



⭕️ خامسا واخيرا : لازم تقتنع ان الدايت مش تقليل الاكل
- الدايت يعني تقليل سعرات . بمعني طبق الرز الي انت بتاكله بسمنه كتير او زيت كتير فيه يجي 2000 سعر لما تطبخه بمعلقه واحده زيت هيبقي 600 او 500 سعر فكده وفرت سعرات كتير وممكن تكون الكميه مختلفتش كتير . طبق الخضار الي اطبخ بسمن كتير لما يطبخ بمعلقه واحده هتقل سعراته برضو . فمثلا وجه الغدا الي كانت 3000 سعر . بقيت 800 سعر والكميه هي هي . يعني هتلاقي نفسك بتاكل وتشبع وتخس 🙂


😍🔥✋ اهم نصيحه بعد كلامي ده هو ممارسه الرياضه ديما حتي لو في البيت لان الرايضه بتفرق في قوتك وصحتك وحياتك واستمرارك وكل شئ 🙂

كتب : كابتن محمد باتيستا

ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018