| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

انقاص الوزن بدون حرمان


عملية انقاص الوزن مرتبطة مع الكثير بالحرمان من الاكل واكل الطعام المسلوق فقط بدون اضافات والجوع لساعات طويلة او تناول خيارة فقط كسناك عشان كدة في ناس كتير نفسها تبدأ انقاص وزنها لكن بتخاف من مشكلة الحرمان والجوع وايضا الاجبار على انواع طعام لا تفضلها
لكن كل دي اعتقادات خاطئة هنوضحها في السطور القادمه


هل اكلي لازم يكون مسلوق ؟

الاكل المسلوق مرتبط جدا بكلمة انقاص الوزن او الدايت او الحمية الغذائية لكن مش هو الخيار المتاح الوحيد في الدايت او عملية انقاص الوزن كمثال صدور الدجاج مش لازم تكون مسلوقة تقدري تنوعي كتير جدا في طبخها سواء في الفرن او على المقلاة (الطاسة) بقليل من الزيت او السمن واضافة التوابل اللي تفضليها

هل السمنة والزيت ممنوعين في الدايت ؟

السمن الحيواني مفيد جدا للجسم لانه من الدهون الصحية ودة عكس ماهو شائع ان السمن لازم يتمنع..الدهون لازم تكون جزء من نظامك الغذائي وسعراتك الحرارية اليومية لانها مش بس بتفيد العظام والمفاصل وبتخلي الجسم يقوم بعملياته الحيوية بكفائة كمان في بعض الفيتامينات والمعادن بتدوب في الدهون عشان كدة مينفعش تمنعيها لا بأس في استخدام القليل من السمن الحيواني او الزيوت الطبيعية مثل زيت الزيتون في طبقك المفضل وحسابها ضمن سعراتك لادق نتيجة

هل الملح والتوابل ممنوع في الدايت ؟



جسمك بيحتاج كل شيء باعتدال منه الملح وهو مهم جدا للجسم وقطعه له اضرار كبيرة وبالنسبة لحكاية حبس الملح للمياه اذا ضفتي الملح باعتدال لوجباتك مش هيكون في مشكلة ولا حبس مياه طالما مش بتعاني من مشاكل صحية
والتوابل والبهارات عموما مفيدة جدا للجهاز المناعي والدورة الدموية وكمان بتساعد على الحرق

بتحبي الحلويات والسكريات جدا .. هل الحلويات ممنوعة ؟

لازم تعرفي ان مفيش شيء ممنوع في الدايت وتقدري تاكلي كل حاجة في حدود سعراتك لكن لو قولتي هاكل صنية كيكة في حدود سعراتي مش هينفع .. ليه ؟
لان الحلويات معروف سعراتها عالية جدا هتستهلك اغلب احتياج جسمك اليومي من السعرات ودة له اضرار كتير منها ان جسمك مش هيستفاد بأكلات صحية ودخلتي له سعرات حرارية كثيرة فقيرة في القيمة الغذائية في حين ان جسمك محتاج قيم غذائية بانوعها .. كمان جسمك هيحس بالجوع باقي اليوم .. الحل انك تاكلي اغلب سعراتك اكل صحي وتقدري تستبدلي الحلويات الجاهوة بحلويات اقل في الدهون والسعرات في البيت مثل " كيكة الشوفان " وتقدري تستبدلي المكونات الغير صحية بالاكثر نفعا زي الدقيق تقدري تبدليه بالشوفان والسكر الابيض تقدري تبدليه بعسل النحل الطبيعي او بالسكر الدايت

هل المانجا والطماطم ممنوعين في الدايت ؟

لا المانجا من الفاكهةة اللذيذة وكمان سعراتها قليلة طيب بتحبس مياه بسبب الاملاح ؟ لا كلام غير صحيح لان نوع الاملاح الموجود في المانجو مش بيحبس مياه او الكلام ده
والطماطم بتحبس مياه ؟ لا برضو الطماطم من الخضروات الفقيرة في السعرات وعالية القيمة الغذائية

مش بتحبي تاكلي الخضار المسلوق او السوتيه .. هل لازم يكونو  في الدايت ؟

الخضروات لازم تكون جزء اساسي من اي نظام غذائي او للانسان العادي لكن مينفعش تجبري نفسك على شيء مش بتحبيه وبيكرهك في نظامك الغذائي لازم نظامك الغذائي يكون مرن ومحبب ليكي طيب ايه الحل
تقدري تطبخي خضارك عادي جدا .. ممكن تستخدمي قليل من الزيت او من غير زيت خالص في عمل صلصة الطماطم واطبخي خضارك المفضل مع استبدال الشوربة بالمياه او استخدام الشوربة بعد نزع الدهون منها

هل الكاربوهيدرات (النشويات) ممنوعة في الدايت ؟

زي ما ذكرنا مفيش شيء ممنوع في الدايت طالما معمول بشكل صحي والكاربوهيدرات ضرورية جدا في النظام الغذائي

بتجوعي جدا في الدايت ايه الحل ؟

الحل انك ترفعي نسبة البروتين في اكلك لان البروتين بيساعد على الاحساس بالشبع لفترات طويلة وكمان تكتري من الخضروات لانها مليئة بالالياف وبتحسسك بالشبع
أمثلة على الاكلات اللي فيها بروتينات وصحية : صدور الدجاج - البيض - الشوفان - العدس - القاصوليا البيضاء - السمك بأنواعه - التونة - الجمبري ...

بتحبي الاكل السريع الفاست فوود ؟

لازم تتعودي تحضري البدائل بنفسك تقدري تعملي كل حاجة بطريقة صحية لكن كمان تقدري تاخدي وجبة مفتوحة كل اسبوعين او 10 ايام او على حسب هدفك.
لو عاوزه تمارين كارديو تساعدك علي انقاص الوزن في البيت شوفي الفيديو دا وكل مايكون عندك وقت طبقي

رقصة زومبا للمبتدئين - سهله وبسيطه


ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018