| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

تخسيس الارداف بطرق سريعة \ رجيم او دايت مع تمارين الكارديو وتمارين المقاومه


مشكلة زيادة الوزن في الارداف مشكلة بتقابل ناس كتير خصوصا السيدات وبتسبب مشاكل خصوصا لو مفيش تناسق بين حجم الارداف وباقي الجسم عشان كدة في طرق كتير منتشرة لتخسيس الارداف لكن في الغالب مش بتجيب نتيجة
نبدأ نعرف ايه هي اسباب تراكم دهون الارداف ومن ثم نعرف الطريقه الصحيحه للتخلص منها و تنحيف الارداف


السعرات الحرارية الزائدة
اكل السعرات الحرارية الزيادة عن احتياجك خصوصا الوجبات السريعة والحلويات اللي انتشروا بشكل كبير بسبب الكسل في تحضير الطعام او الاكتئاب والتوتر والقلق ودول من المسببات الرئيسية لتراكم الدهون في الجسم عموما وخصوصا الارداف والبطن

الحركة القليلة
الحركة القليلة وكثرة الجلوس بيخلي عضلات الفخذ ضعيفة جدا وبتسمح للدهون انها تتراكم بشكل اكبر في الفخذ والمؤخرة

دول اهم اسباب تراكم الدهون في الارداف ..

 ايه هي طريقة تخسيس الارداف سريعا ؟




تخسيس الارداف مش سهل خصوصا لو تراكم الدهون دة نتج عن عادات غلط سيئة لسنوات او فترات طويلة فالمقصود بكلمة "طرق سريعة" هو الطريق الصحيح المختصر لحرق دهون الارداف والصحي لكن مفيش خلطات سحرية هتقلل وزنك في اسبوع .. لو اتبعتي الخطوات دي هتقدري تتخلصي من دهونك الزائدة في الارداف في اقل وقت مع الحفاظ على صحتك ..
اول شيء لازم تعرفي انه لا يمكن استهداف منطقة معينة في الجسم للتخسيس دونا عن الباقي .. كتير من البنات بتظن ان ممارسة تمارين المنطقة المطلوب تخسيسها زي البطن كمثال بكثرة هي الحل المثالي لتخسيس البطن وهكذا لكنه اعتقاد غير صحيح لان الجسم لما يفقد دهون بيفقدها من الجسم كله لكن بتختلف سرعة نزول وزن من منطقة الى اخرى حسب الجينات فلازم تستمري في خفض نسبة دهونك لحد ما توصلي للشكل المطلوب

خفض نسبة الدهون :
زي ما ذكرنا ان خفض نسبة الدهون بيكون من الجسم كله مش منطقة بعينها ودة يمكن الوصول اليه عن طريق اتباع الدايت او حمية غذائية تراعي فيها الفروق الفردية لكل شخص بمعنى يكون محسوب السعرات زي ما يناسب احتياجك

لو مش بتعرفي تحسبي سعراتك دة تذكير :
لازم تعملي عجز سعرات ودي بقلل فيها من 300 الى 500 (النسبة الطبيعية والمريحة للتخسيس وللمبتدأين ) او 700 الى 1000 كالوري ( لنتائج اسرع ) عن احتياجك اليومي من السعرات الحرارية (موجود طريقة حساب احتياج الجسم من السعرات على الموقع هنا )
لما تعرفي احتياج جسمك من السعرات هتشتري ميزان طبخ عشان تعرفي السعرات الحرارية اللي فالاكل بدقة وتعرفي جسمك دخله قد ايه وفاضل له قد ايه من الاكل

بعد حساب احتياجك من السعرات ايه نوعية الاكل اللي تاكلها ؟
لازم تراعي ان نظامك الغذائي يكون صحي يعني تبعدي عن البيبسي والشيبسي والحلويات والمقليات والاكل السريع واكل المطاعم لان كل دي اكلات مليانة بالدهون والسكريات وكمان مش هتديكي احساس بالشبع زي الاكل الصحي وجسمك مش هيستفاد بيها وهتزودك دهون بالتالي هتلاقي النتيجة مش كويسة وممكن يحصل ترهل وتتفاجئي بترهل بعض الاماكن في جسمك
الحل انك تاكلي بروتين اكثر وكاربوهيدرات ودهون اقل

البروتين العالي موجود في اكلات زي :
صدور الدجاج والاسماك واللحوم الحمراء الغير مصنعة والبيض واللبن والجبن القريش والفول السوداني والعدس والحمص الخ...

الكاربوهيدرات الصحية اللي تاكل منها :
الارز والمكرونة والشوفان والذرة مشوية او مسلوقة وبرضو العدس والبليلة والبطاطس والبطاطا والخبز الاسمر
وابعدي عن الخبز الابيض والمعجنات والسكر والبيتزا

الدهون الصحية :ضرورية للجسم هتلاقيها في زيت الزيتون والمكسرات زي اللوز والفول السوداني والكاجو والفستق والسلمون والافوكادو
تقدري تعرفي القيمة الغذائية لاي اكل (البروتين والكاربوهيدرات والدهون) من الموقع هنا

التدريب باستخدام الاوزان والاجهزة تمارين المقاومه ( الحديد ) :
ضروري جدا تتدربي بأوزان والاجهزة المتاحة في الجيم او تشتري الاوزان وتتمرني بيها في المنزل لان التدريب بأوزان هيبني عضلات في منطقة الارداف ودة اللي هيساعدك في تنزيل الدهون الزائدة ويقوي رجلك عموما وكمان هيمنع او هيقلل من نسبة حدوث الترهلات اثناء الخسسان

تمارين الكارديو :تمارين الكارديو هي التمارين الهوائية اللي بتعلي نبضات قلبك زي الجري او المشي او اجهزة الاوربتراك او الرقص بأنواعه او الايروبكس او السباحة او الكرة او اي رياضة تفضليها يفضل ممارستها ثلاث الى اريع ايام اسبوعيا لحرق المزيد من السعرات الحرارية لكن متكتريش عن كدة عشان متخسريش عضلات

زودي حركتك يزيد معدل حرقك :
كل ما تزودي معدل حركتك اللي بعيد عن التمرين زي شغل البيت في الطبخ او الغسل والمسح واستخدام السلم بدل الاسانسير واحضارك لطلباتك بنفسك ومشي بعض المشاوير القريبة كل ما تحرقي سعرات حرارية اكتر

كلي خضروات :
الخضروات هتحسسك بالشبع وتمدك بالفيتامينات اللازمة لللجسم

ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018