طريقة عمل برجر التونة - من اجمل وصفات الدايت اللذيذة استخدميها في الرجيم \ رجيم بدون تعقيد

برجر التونه للرجيم 

لو بتتبعي او بتتبع نظام غذائي اكيد لازم تراعي انه يكون جسمك بيأخذ احتياجه من البروتين والتونة من اشهر مصادر البروتين واكثرها انتشارا لانها مش بس بتحتوي على كمية بروتين عالية كمان ليها فوائد كتير زي احتوائها على الاوميجا 3 وغيره لكن لو زهقت من اكل التونة بالطرق العادية دي وصفة جميلة جدا ومش هتحس بطعم التونة بوضوح وكمان سهلة وسريعة

المكونات :
1 - علبة تونة مصفاة من المياه او مصفاة من الزيت
2 - مستردة
3 - هوت صوص (صوص الشطة) اختياري
4 - مايونيز لايت
5 - ملح
6 - فلفل اسود
7 - بقسماط مطحون
8 - بيضة

الطريقة :

الخطوة الاولى :

هتجيبي طبق كبير تحطي فيه التونة المصفاة وكوب صغير من البقسماط ( حوالي 50 جرام الى 60 جرام من البقسماط المطحون ) ومعلقة صغيرة مايونيز لايت ومعلقة مستردة وملح وفلفل والشطة السائلة (الشطة بتقلل من طعم الزفارة في التونة )

باستخدام ايدك هتعجني المكونات كلها مع بعض وتشكليها على شكل دوائر البرجر العادية

الخطوة التالية :

هتدهني طاسة مضادة للالتصاق بقليل من زيت الزيتون وضعي فيها البرجر واقلبيها على الجانبين لحد ما يكون لونها احمر

اخر خطوة  :

 هي احضار خبز بني او توست الحبوب الكاملة وضعي الخس والطماطم وبالهناء

ملحوظة :
يفضل حساب المكونات من احتياجك الكلي للسعرات الحرارية اليومية