| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

نظام تمرين السوبر ست - شرح بالتفصيل وما هي فوائد أسلوب سوبر سيت في التمارين ؟



نظام تمرين ال سوبر ست 

من انظمة التدريب المنتشرة لكن اغلب المعلومات عنها مش بتكون بالشكل الصحيح وفي المقال دا هنوضحلك كل شئ عن نام السوبر سيت والاخطاء الشائعه عنه وكيفية تطبيقه ويناسبك والا لأه وايه هي نتائج نظام تمارين سوبر سيت علي الجسم



من الاخطاء الشائعه عن  نظام السوبر الست في التدريب

 شائع في اغلب الصالات الرياضية او الجيمات انه نظام تدريب يصلح لمرحلة التنشيف فقط او يفضل في مرحلة التنشيف
دة مش صحيح
لان الفرق بين فترة التنشيف (خسارة الدهون) والتضخيم (اكتساب الكتلة العضلية مع قليل من الدهون ) هو الدايت او النظام الغذائي فقط مثلا لو احتياجك من السعرات الحرارية يوميا للثبات 2000 سعرة حرارية
ممكن تتناول 1500 سعر حراري يوميا للتنشيف (خفض نسبة الدهون) ولو بتحاول تكتسب الوزن تناول 2500 سعر حراري يوميا (للضخامة واكتساب الوزن)

فهنا بيكون الفاصل في اي مرحلة او هدف هو الدايت والنظام الغذائي وليس نظام التدريب

خطأ اخر منتشر عن نظام تدريب السوبر ست
وهو انك لازم تتمرن كل التمارين في جدولك بنظام السوبر ست
دة مش لازم خالص ممكن تعملها في حالة كنت تريد توفير الوقت (هنشرح النقطة دي تفصيليا)



ممكن تستخدم نظام السوبر ست في تمرينك لتمرينين او اكتر زي ما تحب لكن مش شرط تكون كل تمارين جدولك سوبر ست

خطأ ثالث منتشر
وهو انك تتمرن السوبر ست تمرينة كاملة يوميا ودة غلط لانه بيكون حمل كبير على المفاصل وعلى الجسم عشان كدة لو حبيت تلعب كل تمارينك سوبر ست يفضل تكون يوم واحد في الاسبوع او الاكتفاء بالسوبر ست لتمرينين فقط وليس كل تمارين جدولك

كيفية تطبيق اسلوب تدريب السوبر ست ؟


السوبر ست Super Set
معناه انك بتتمرن مجموعة واحدة من تمرين كمثال لعضلة الباي وبدون راحة بعد انتهاء المجموعة تتمرن مجموعة تانية من تمرين تاني سواء للباي او عضلة غيرها بعد اداء المجموعتين تاخد راحتك بعدين تكرر نفس الاداء لحد ما تخلص 3-4 مجموعات على حسب نظامك

يعني كدة السوبر ست بيكون نوعين النوع الاول هو اداء مجموعة وراء مجموعة بدون راحة ولكن من نفس العضلة
والنوع الثاني هو اداء مجموعة وراء مجموعة ولكن لعضلتين مختلفتين كمثال مجمموعة باي ثم مجموعة للتراي
ندخل على الفوائد لاداء تمرين السوبر ست

ايه هي فوائد السوبر ست ؟

توفير الوقت
اكتر شيء بيتميز بيه اسلوب تدريب السوبر ست هو توفير الوقت للناس اللي وقتها ضيق بيقلل وقت تمرينك لانك بتلعب مجموعتين وراء بعضهم بدون راحة
مناسب لمن يريدون خسارة الوزن
بما ان السوبر ست يعني تدريب بفترات راحة اقل قليلا ده يخليه مناسب للي عايزين يخسروا وزنهم اكتر
تحسين عملية الايض
ادائك للتمارين بنظان السوبر ست هيخلي معدل ضربات قلبك تكون اعلى بالتالي معدل الايض هيتحسن وهيفيد في حرق الدهون
زيادة قوة التحمل
التدريب بنظام السوبر ست بيساعد على زيادة قوة التحمل للجسم
تقوية الاوتار
نتيجة الجهد الاعلى
تغيير روتين التمرين التقليدي
ممكن تستخدم نظام تدريب السوبر ست لكسر الملل او لتغيير نظام التدريب لجسمك
-
ولكن هنا في هذا النظام عليك الاخذ في الاعتبار
انه ضروري جدا في جدول تمارين super sets السوبر سيت ان تكون العضلتين متقابلتين وهذا مهم جدا جدا لتجنب تشويه او تشوه القوام
فعندما تلعب عضلتين غير متقابلتين قد يحدث لك تشوه في القوام

وعلي سبيل المثال للإيضاح :



اذا افترضنا اننا سنلعب عضلة الترايسيبس مع عضلة البطن فهنا خطأ كبير لان شدة التمرين في هذا اليوم ستختلف عن شدة التمرين في الايام الاخري
وهنا قد تستفيد عضلات الترايسيبس كثيرا بينما عضلات البايسيبس خامله لا تعمل فالافضل والأمان لك في هذا النظام ان كنت ستتبعه فعليك لعب عضلتين متقابلتين بنفس الشده بنفس القوه والعدات
وهذا سوف يكون وقايه من التشوهات القواميه والوصول لأفضل النتائج
تأثير هذا النظام
( التأثير الاساسى لهذا النوع من أنظمة التمارين ) : التحمل العضلى وزيادة الكتله العضلية
( الفئه المناسبه ) يناسب هذا الجدول المستويات المتقدمه فقط وغير مناسب اطلاقا للمبتدئين
لأن شدة التمرين فيه عاليه وفترات الراحه قد تكون منعدمه وهذا سيؤثر بالسلب علي المبتدئين وممكن ان يصيبهم بالإغماء او الاصابات
( اهم النقاط اللى نراعيها )
اختيار عضلات مناسبه "متقابله كما شرحنا " لو محتاج او محتاجه تعرفو اكتر عن انظمة التمارين المختلفه تقدرو تطلعو علي باقي انظمة التمارين من هنا جميع انظمة التمارين وماهو النظام المناسب لك

ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018