| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

اجابات مختصره لأهم عشرة أسئله من المبتدئين في الرجيم والدايت والتمرين



اهم ١٠ أسئلة الاغلب بيسأل هم ديما  للمبتدئين في الرياضه والرجيم 👍👍





١- ايه أفضل وقت لممارسه الرياضه؟ 

ج:
الوقت المناسب ليك الي هيخليك تستمر هو أفضل وقت بنسبالك لممارسه الرياضه و فكك من الي يقولك لازم وقت معين المهم انك تستمر 👍


٢- ايه أفضل تمرين كارديو( جري - نط حبل - اورب تراك - الخ)؟
ج:
التنوع في الكارديو أفضل حاجه لكن لو انت بتحب نوع معين من الكارديو و بيخليك تلعب وقت طويل بدون زهق ممكن تديله اغلب وقت الكارديو بتاعك 👍


٣- ايه أفضل تمرين مقاومه ب الأوزان ؟
ج:
لازم تلعب جسمك كله علشان يحصل تناسق مينفعش تلعب جزء وتسيب جزء 👍


٤- ايه أفضل تمرين يخسس الكرش أو الارداف؟
ج:
مفيش تمرين معين بيخسس منطقه معينه علشان جسمك يبقي مشدود وشكله متناسق وكل مناطق تتظبظ لازم اولا نظام غذائي مناسب محسوب السعرات الحرارية مع ممارسه تمارين مقاومه للجسم بالاوزان مع كارديو والاستمرار 👍


٥- ايه أفضل وقت للاكل قبل وبعد التمرين؟ 

ج:
اولا : الاكل قبل التمرين 

لازم ناكل وجبه كبيره قبل التمرين ب ساعتين ل ثلاث ساعات
وقبل التمرين ب نص ساعه وجبه سناكس خفيفه
الوجبة الكبيره عبارة عن :
عالية ب الكاربوهيدرات المعقدة
متوسطه ب البروتين
قليله ب الدهون الصحيه
مثال
٢٠٠ جرام بطاطا حلوة مع حفنة من المكسرات
أو شوفان مع حليب خالي الدسم وثمره فاكهه
الوجبه الاسناكس عبارة عن :
ثمره فاكهه او كوب عصير صغير


ثانيا : وجبه بعد التمرين :

بعد التمرين مباشرة يفضل تناول وجبه سريعه الامتصاص لتعويض ما فقده الجسم أثناء التمرين
ف يفضل تناول الفاكهة أو عصير الفاكهة الطبيعي
أو المشروبات الرياضيه زي البروتين بورد سريع الامتصاص
وبعد الوجبه الخفيف بحوالي نص ساعة ل ساعه
نقدر ناكل وجبه متكامله
كاربوهيدرات معقده مع بروتين ودهون صحيه
مثال الوجبه :
رز مسلوق مع صدور الدجاج والسلطة بزيت الزيتون
التغذية السليمة هي أساس الحصول على جسم
متناسق

٦- هل ينفع اشرب ميه أثناء التمرين؟
ج:
طبعا ينفع تشرب أثناء التمرين بس بلاش شرب كميات كبيرة أثناء التمرين اشرب كل ما تحس ب العطش كام بلعه ميه وفكك من الي يقولك ممنوع الشرب أثناء التمرين يعني كل لاعبيه الكوره والرياضة بتشرب أثناء ماتشات وانت وحيد الي هتفضل علشان 😂😂


٧- هل البنات لو لعبت ب الأوزان هيبقي عندهم عضلات زي الشباب ؟
ج:
مش لما الشباب يبقي عندهم عضلات الأول 😂😂😂
وعلي العموم هرمونات جسم البنت بتخلي صعب يحصل عندها بروز عضلي زي الشباب
ولو في حاليا صور بنات منتشرة علي النت عندهم عمل دول بياخدوا هرمونات ذكوريه بتعمل في شكلهم كده 😏


٨- هل لو وزني عالي ينفع العب رياضه؟
ج:
طبعا ينفع بس لازم يكون مفيش عندك اي مشاكل في المفاصل ولو في مشاكل في المفاصل تراجع طبيب عظام هو يقدر يحدد تقدر تلعب ولا لا والمهم تبدأ تدريجيا ومع الوقت هتلاقي الموضوع بيسط زي الطفل اول ما بيتعلم المشي 👍


٩- هل لازم أخذ مكملات غذائيه ؟
ج:
لا طبعا مش لازم بس لو حاسس انك مش بتقدر تجمع احتياج جسمك من الاكل ممكن تاخد مكمل حسب العنصر الغذائي الناقص في اكلك 👍


١٠- هل ينفع اخس بدون ممارسه الرياضه؟
ج:
اه ممكن طبعا هنحسب سعراتك حسب أن مجهودك وتاكل في حدود السعرات دي بس ممكن يحصل ترهل عالي خصوصا لو وزنك كبير 👍

كتب : ك محمد باتيستا

ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018