طريقة عمل شاورما اللحم في الرجيم \ وصفات ووجبات الدايت

انتشار الوجبات السريعة بشكل كبير مؤخرا من اكبر مسببات زيادة الدهون والترهلات والمشاكل الصحية وكمان غير مضمونة .. الشاورما من اكتر الاكلات المنتشرة والمحببة للناس لكن في المطاعم طريقة تحضيرها غير صحية بالمرة وغير مضمونة اطلاقا ولا تضمني مصدر اللحوم .. ولو بتتبعي دايت او حمية ونفسك راحت لشاورما اللحم تقدري تاكليها بدون ما تخرجي بره الدايت بالوصفة دي

 ( ملحوظة \ يجب حساب سعرات الوجبة من ضمن سعراتك اليومية والكمية تختلف حسب هدفك وسعراتك )

المقادير :
1) ثلاث شرائح لحم خالي من الدهون ( لحم ستيك )
2) شرائح فلفل رومي
3) شرائح بصل
4) شرائح من الطماطم
5) قطع من الفلفل الشطة حسب الرغبة
6) ملح وفلفل اسود
7) بهارات لحم ( متوفرة في السوبر ماركت او عند العطارين )
8) ملعقة صغيرة زيت زيتون

طريقة التحضير :

1. 1- باستخدام طاسة (مقلاة ) غير قابلة للصلق يتم وضع ملعقة زيت الزيتون وسخنيهم جيدا
2. 2- على نار عالية بعد ما تقطعي اللحم الى شرائح طويلة هتضيفي شرائح اللحم وتقلبيها لحد ما لونها يكون اغمق
3. ضيفي شرائح البصل والفلفل الشطة
4. 3- بعد ما اللحمة تاخد اللون هتوطي النار وتضيفي كوب او اقل من المياه وفي حال اللحم شرب المياه كلها ولم يستوي بعد ضيفي القليل من المياه تاني
5. 4- ضيفي الملح والفلفل وبهارات اللحم
6. 5- قبل ما تطفي على اللحم وقبل السواء بدقائق قليلة ضيفي الطماطم والفلفل الرومي وقلبي كويس جدا عشان ياخدوا طعم البهارات
7. 6- كدة الوصفة تكون خلصت تقدري تاكليها مع الارز او المكرونة او التوست الاسمر
8. 7- تقدري تضيفي القليل من المستردة او الكاتشب

ملوحظة مهمة :
الوجبة تكفي لشخص واحد لكن تقدري تتحكمي في الكمية على حسب نظامك الغذائي وتحسبيها من ضمن سعراتك الحرارية المطلوبة