| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

الكرياتين


 ماهو الكرياتين ؟، ماهي فوائدالكرياتين؟ ، ماهي جرعات الكرياتين وكيفية استخدامه ؟ ايه هي انواع الكرياتين وافضلهم ؟




الكرياتين

 من اكتر المكملات اللي اتشهرت مؤخرا بين الرياضين عموما والرياضات العنيفة بشكل خاص ودة بيرجع لكذا سبب منهم ان الكرياتين بيزود القوة والنشاط وبيزود التحمل وكمان بيستخدم لعلاج والوقاية من بعض الامراض زائد ان سعره رخيص

ايه هو الكرياتين ؟

الكرياتين حمض نيتروجيني بيتفرز ظبيعيا في الكبد وبيتكون من 3 احماض امينية ( للجليسين و الميثيونين والارجنين )
والحمض ده (الكرياتين) بيتنققل لباقي الجسم بواسطة الدم اكتر اعضاء بتستفيد بالكرياتين هي العضلات والمخ والعضلات بتستفاد بنسبة كبيرة جدا تصل الى 95%
الكرياتين نقدر ندخله جسمنا عن ظريق مكمل او طبيعيا من اللحوم الحمراء لكن لازم تعرف ان عشان تحصل على 5 جرام كرياتين (الجرعة الموصى باستهلاكها يوميا) محتاج تاكل كيلو لحوم حمراء كل يوم ودة يكاد يكون مستحيل عشان كدة بنلجأ لمكمل الكرياتين في الحالة دي

ايه هي فوائد الكرياتين ؟

الكرياتين له فوائد كتير جدا مش بس للرياضة والجيم

تحسين الاداء في الرياضة

في دراسات اتعملت على لاعبين رياضات عنيفة زي رفع الاثقال والعدو لقت ان الرياضيين اللي تناولوا الكرياتين بصورة منتظمة ادائهم اتحسن اكتر 15% من الرياضين اللي لم يتناولوا مكمل الكرياتين

زيادة حجم العضلات

كمان في دراسات بتأكد ان الكرياتين بيزود حجم العضلات ودة بشهادة ناس كتير استخدمته .. ازاي ؟
الكرياتين بيزود القوة في الجسم بالتالي هيتيح ليك انك تزود اوزان في تدريبك وطبعا ده هيأدي الى زيادة حجم العضلات

زيادة نسب هرمون التيستوسترون طبيعيا

دراسة اخرى لقت ان تناول الكرياتين بيساعد على زيادة نسبة هرمون التيستوسترون في الجسم بنسبة 22% وطبعا دة الهرمون المسئول عن زيادة حجم العضلات

علاج الضمور العضلي

دراسة اتعملت على بعض مرضى الضمور العضلي وجدت ان المرضى اللي تناولوا مكمل الكرياتين زادت قوتهم اكتر من المرضى اللي لم يتناولوا الكرياتين

علاج الاكتئاب

دراسة تاني اثبتت ان الكرياتين بيساعد على علاج الاكتئاب والدراسة دي اتعملت على مجموعة من السيدات لقت ان السيدات اللى تناولت الكرياتين بشكل منتظم (5 جرام يوميا ) زادت معدلات تحسنهم اكتر من السيدات اللي لم تتناول مكمل الكرياتين

تحسين اداء المخ

الكرياتين مش بس بيحسن الاداء البدني كمان بيحسن الاداء العقلي ودة اللي اثبتته دراستين ان الكرياتين بيزود اداء وظائف المخ وبيقوي الذاكرة ويقوي الذكاء لان زي ما ذكرنا سابقا ان الكرياتين جزء منه بيذهب للمخ

ايه هي انواع الكرياتين وافضلهم ؟



كرياتين مونوهيدرات :

اكتر انواع الكرياتين انتشار واشهرهم ودة بيكون خام في صورة بودر بدون اضافات ودة بيكون افضل نوع واللي بنصح بيه وكمان ارخصهم

كرياتين CEE :

والشركات المنتجة للنوع دة بتقول انه بيوصل اسرع للعضلات من المونوهيدرات لكن في دراسات اتعملت اثبتت انه ملهوش افضلية على المونوهيدرات

كرياتين سائل :

الشركات المنتجة ايضا بتقول انه بيوصل اسرع للعصلات لكن الدراسات نفت الكلام دة

كرياتين HCL :

الشركات المنتجة للنوع دة بتقول ان سرعة ذوبانه افضل من الكرياتين الخام (المونوهيدرات) ودة كلام صحيح فعلا الدراسات اثبتت انه اسرع في الذوباه في المياه 4 مرات من الكرياتين الخام لكن كمان الدراسات لقت ان سرعة الذوبان في المياه ملهاش فائدة زيادة للجسم مع العلم ان الكرياتين دة اغلى 4 من العادي

كرياتين Micronized :

الكرياتين الميكرونايزد هو الكرياتين المونوهيدرات لكن مطحون بشكل ادق دة اللي بيخليه اسرع فالذوبان لكن ملهوش فائدة زيادة ممكن تشتريه لذوبان اسرع واسهل وسعره متقارب من الكرياتين المونوهيدرات

كرياتين Kre Arkalyn

الشركات المنتجة بتقول انه اسرع في الوصول للعضلات واقوى من المونوهيدرات ولكن برضو الدراسات نفت الكلام دة

طريقة استخدام الكرياتين وجرعاته :

يتم تناول 5 جرام كرياتين يوميا ما يعادل معلقة شاي صغيرة ممسوحة على مياه او مع الواي بروتين ولا داعي لعمل تحميل للكرياتين

مواعيد أخذ الكرياتين :

الكرياتين بيعمل على ملأ العضلات بالمياه ودة بياخد ايام وممكن توصل الى 20 يوم عشان تقدر تشوف نتيجة معنى كدة انه مش بيشتغل في يوم وليلة الوقت مش هيعمل فرق كبير لكن يفضل تناول الكرياتين بعد التمرين مباشرة

اضرار الكرياتين :

الدراسات اثبتت ان الكرياتين ليس له اضرار للاشخاص السليمة
مرضى الكلي والكيد يمتنعوا عن تناول الكرياتين ولازم تكون معندكش مشاكل في الكلي او الكبد قبل تناول الكرياتين
يمكن تناول الكرياتين للنساء والرجال
لا ينصح بالكرياتين للأشخاص اقل من 18 عام
ولا ينصح للحامل والمرضعات

ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018