كيف تختار نظام غذائي مناسب لك - كيتوجنيك دايت - الهرم الغذائي - - النظام النباتي - الصيام المتقطع - اتكنز - كارب سيكل

كتب محمد باتيستا

كيتوجنيك دايت - الهرم الغذائي - - النظام النباتي - الصيام المتقطع - اتكنز - كارب سيكل - الخ الخ من الانظمه

ايه الآلية الي بختار بيها النظام المناسب ليا 👇

اولا - ذوقك في الاكل

- بحب الكارب اكتر ومش بجوع كتير او بعرف اتحكم في شهيتي وبحب اكل ( فاكهه ورز ومكرونه وعيش والخ) يبقي الهرم الغذائي.

- بحب الدهون اكتر وبجوع اغلب الوقت ومش بعرف اتحكم في شهيتي وبحب اكل ( لحوم دسمه - واكل محمر - وجبن دسمه والخ) يبقي اي نظام Low carb كيتوجنيك دايت بقي ولا باليو .

- بحب الكارب بس مش بعرف اتحكم في شهيتي يبقي ممكن كارب سيكل

ثانيا : إمكانياتك الماديه

- والله لو إمكانياتك الماديه متوسطه الهرم الغذائي هو أفضل نظام لتوفر آلاف البدائل لكل شئ فيه.

- لو إمكانياتك عاليه ممكن تعمل كيتوجنيك دايت او اي نظام Low carb لأنه بيكون مكلف اكتر اكيد.

دول أهم نقطتين في اختيارك لنظامك الغذائي علشان تعرف تستمر فيه لكن مفيش نظام أفضل من نظام ولا نظام هيديك نتائج احسن من نظام وحتي لو بيحصل الفروق بسيطه المهم انك تلتزم .

ف بلاش نجري ورا مسميات انظمه علي اساس ان النظام الفلاني هو الأسرع .

الاستمرار هو اقصر الطرق للوصول لهدفك لان لو النظام غير مناسب هتقع كتير جدا وهتاخد وقت اطول علشان توصل هدفك 😃