رجيم صحي بطئ افضل من رجيم سريع يضر الصحه - الدايت مش حرمان

كتب : Sara Elshamy- Health Coach

الخلاصه في موضوع الرجيم والدايت

1. اختار اكل يكون فريش مش اكل ميت بالشهور
2. اختار اكل طبيعي زي الخضار و الفاكهه
3. اختار اكل يكون غني بالقيمه الغذائيه 
4. اختار اكل يغذي جسمك بالفيتامينات و معادن
5. مش اكل يتعبك و يقلل مناعتك

الحكايه مش حكايه 'دايت'

كل علي قد ما جسمك محتاج
علشان تحافظ علي طاقتك و نشاطك و وزنك

خد نشوياتك من الخضار و الفاكهه 

و الدهون الي محتاجها من الافوكادو و الزتون و زيت جوز الهند، و زيت السمسم و زيت الزتون والمكسرات

البروتين من السمك،البيض، الفراخ،اللحمه و لكن بالمعقول والجوده مهمه جدا

متنساش المياه "اشرب ميه كتير "

انك في فتره اختيارات اكلك تتغير او تقع او طريقه اكلك تتلغبط ...ده طبيعي انه يحصل
بس تكون واعي لده و تحاول تظبط اكلك تاني

بالطريقه ديه
تحافظ علي صحتك
علي معدل الحرق
علي مناعتك
و تكون طاقتك و معدل نومك و مزاجك احسن
شراهتك للسكريات هتقل

فبالتالي جوده حياتك تكون افضل
و هتقلل اصابتك بالامراض المرتبطه بطريقه نمط حياتك
زي السكر و امراض المناعه و امراض القلب و الاوعيه الدمويه