| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

التخلص من الكرش في المنزل (بدون رياضة)


تراكم الدهون في البطن او الكرش بيكون بسبب عاداات خاطئة كتيرة زي الاكل السريع من المطاعم والخمول في الحياة اليومية وقلة الحركة وتناول الاطعمة المليئة بالسعرات الحرارية زي المقليات والحلويات والسكريات
تقدري تتخلصي من الكرش بدون رياضة لو مفيش وقت او غير متاح ليكي ممارسة اي تمارين رياضية لكن الافضل طبعا هو ممارسة الرياضة

اولا : في بعض البدائل للرياضة لان الخمول عموما غير مفيد للصحة :

المشي : امشي نصف ساعة يوميا او زي ما تقدري
التسوق : انزلي اشتري طلبات البيت ده كمان بيحرق سعرات حرارية
شغل البيت : التنضيف والغسيل والمسح وغسل المواعين كل دي حركات بتحرق سعرات حرارية عالية
ساعدي نفسك : لو عايزة طلب معين بلاش تطلبي من حد ينفذهولك قومي انتي اتحركي الحركات دي على مدار يومك هتزود حرقك وفي نهاية اليوم هتلاقي نفسك حرقتي سعرات حرارية كويسة
الرقص : استعيني باليوتيوب وارقصي رقصك المفضل سواء زومبا او رقص شرقي او غيره الرقص بيحرق سعرات حرارية عالية

ثانيا : حساب السعرات الحرارية والقيم الغذائية

مفيش تنزيل دهون بدون عجز سعرات حرارية ببساطة السعرات الحرارية دي هي الطاقة اللي جسمك بيستهلكها وكل جسم له احتياجه بيختلف عن التاني لما جسمك يدخله سعرات اقل من احتياجه هيخس ويفقد دهون ولما يدخله اكتر من سعراته هيزيد في الوزن
ازاي احسب سعراتي واحتياجي ؟
بيسموه عجز سعرات ودي بقلل فيها من 300 الى 500 كالوري عن احتياجك اليومي من السعرات الحرارية(موجود طريقة حساب احتياج الجسم من السعرات على الموقع من هنا احسب سعرات جسمك وسعرات اكلك - قائمه سعرات بجميع الأكلات

وزيادة نسبة العضلات هتكون ضرورية لاعطاء الجسم شكل متناسق ميكونش رفيع جدا بعد خسارة الدهون
لما تعرفي احتياج جسمك من السعرات هتشتري ميزان طبخ عشان تعرفي السعرات الحرارية اللي فالاكل بدقة وتعرفي جسمك دخله قد ايه وفاضل له قد ايه من الاكل

طيب عرفت ازاي احسب السعرات ايه نوعية الاكل اللي تاكليها؟

نظامك الغذائي لازم يكون صحي يعني تبعدي عن البيبسي والشيبسي والحلويات والمقليات والاكل السريع واكل المطاعم لان كل دي اكلات مليانة بالدهون والسكريات جسمك مش هيستفاد بيها وهتزودك دهون بالتالي هتلاقي النتيجة مش كويسة وممكن يحصل ترهل وتتفاجئي بترهل بعض الاماكن في جسمك

طيب ايه الحل؟
الحل انك تقسمي سعراتك على البروتين والكاربوهيدرات والدهون الصحية
البروتين العالي هتلاقيه في اكلات زي صدور الدجاج والاسماك واللحوم الحمراء الغير مصنعة والبيض واللبن والجبن القريش والفول السوداني والعدس والحمص الخ...
الكاربوهيدرات النظيفة اللي تاكلي منها : الارز والمكرونة والشوفان والذرة مشوية او مسلوقة وبرضو العدس والبليلة والبطاطس والبطاطا والخبز الاسمر
وابعدي عن الخبز الابيض والمعجنات والسكر والبيتزا
الدهون الصحية : ضرورية للجسم هتلاقيها في زيت الزيتون والمكسرات زي اللوز والفول السوداني والكاجو والفستق والسلمون والافوكادو
تقدري تعرفي القيمة الغذائية لاي اكل (البروتين والكاربوهيدرات والدهون) من الموقع

ثالثا : الراحة والنوم

لازم تحرصي على النوم من 6 الى 10 ساعات ليلا لان الجسم بيعيد بناء الخلايا اللي اتهدمت في التمرين اثناء النوم خصوصا ليلا

رابعا :المكملات والفيتامينات

ممكن تستخدمي بعض المكملات عشان تضمني لجسمك انه وصله النسب اللي محتاجها من الفيتامينات زي المالتي فيتامين واوميجا 3 ودول متوفرين في الصيدليات وممكن استخدام الكولاجين باستشارة الطبيب لانه بيساعد على تحسين الجلد

خامسا : الصبر والالتزام

االصبر والالتزام والاستمرار هم مفتاح اي هدف متزهقيش او تملي بسرعة
ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018