| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

الكرش و كيفية التخلص من دهون البطن نهائيا


الكرش او دهون البطن الزيادة 

مشكلة بتقابل شباب وبنات كتير جدا واسبابها كتير منها نظام الحياة الغير صحي نات ةبتعمل شكل غير مرغوب فيه وده بسبب بعض العادات الغلط اللي بتعمليها في يومك خصوصا ان دهون منطقة البطن من الدهون العنيدة وهنقول اسبابها وحلها في المقال ده

اولا :نعرف ايه هي اسباب تراكم الدهون في بعض مناطق الجسم ومنها البطن

1- الوجبات السريعة

الوجبات السريعة والمطاعم انتشرت بشكل كبير جدا بين الناس خصوصا البنات اللي دائما بتاكل اكل سريع وحلويات وعصائر معلبة ومشروبات غازية واكل مليان سكريات ودهون ومقليات كل ده بيسبب تراكم الدهون في بعض المناطق حتي لو بتاكلي وجبة واحدة وبتحسبي انها قليلة في الحقيقة الوجبات الجاهزه والسريعة مليانه بالسعرات الحرارية اللي لا يمكن تتخيليها

2- الكسل والخمول وقلة الحركة

كتير من البنات بتقضي معظم يومها في البيت بدون ممارسة اي رياضة او حتي نشاط بدني خفيف وده طبعا بيقلل الحرق وبيساعد في تراكم الدهون في بعض المناطق واولهم البطن


3- النوم فترات قليلة وعدم اخذ راحة كافية للجسم

انك مش بتنامي فترة كفاية لجسمك اقل من 6 الى 8 ساعات يوميا كل ده بيقلل معدلات الحرق وكمان بيساعد الدهون انها تتراكم في الجسم اسرع غير المشاكل الصحية اللي بتنتج عن قلة النوم

4- اهمال الفيتامينات والمعادن

لو مش بتاكلي سلطة كتير وفاكهةة فانتي بتحرمي نفسك من اهم حاجه لجسمك اللي هي الفيتامينات والمعادن واللي لما تقل كل وظائف جسمك هيقل نشاطها ومنها الحرق ، هيقل جدا وهيسببلك مشاكل كتير زي بهتان الوش وتساقط الشعر عشان كده احرصي على طبق السلطة والفواكه في اكلك

5- الاكل بكميات كبيره

بتاكلي بكميات كبيرة جدا حتى لو الاكل صحي ومش مقلي ومعمول في البيت بتاكلي منه باعتقاد انه اكل صحي مش بيتخن الحقيقة مفيش حاجه اسمها اكل بيتخن واكل مش بيتخن اي اكل له سعراته الحرارية اللي بتختلف من اكلة للتانية وبتقل في بعض الاكل وبتكون زيادة في بعض الاكل زي الوجبات السريعة والمقليات والحلويات عشان كده خدي بالك من كمية اكلك مهما كان نوعها

6- مارسي اي رياضة

الرياضة بانوعها ليها فوائد كتير جدا لا تحصى سواء على صحة الجسم او العقل منها انها بتحافظ على رشاقة الجسم وبتقلل وزنه مع تنظيم الاكل بصورة صحية وبتحرق سعرات حرارية كافية وبتعلي الحرق عشان كده ينصح بممارسة اي رياضة سواء المشي او تمارين منزلية او الجيم او سباحة او اي نوع من الرياضة

7- متاكليش اثناء المذاكرة او استخدام الموبايل

متاكليش وانتي بتعملي اي نشاط واخد كل تركيزك حتى لو مشاهدة تلفزيون او استخدام الموبايل لانك مش هتدركي كمية الاكل اللي بتاكليه وممكن تاكلي اكتر من احتياجك وده هيسببلك زيادة نسبة الدهون وتراكمها في بعض المناطق منها الكرش

8- اشربي مياه كتير

شرب المياه بشكل كافي ليه فوائد كتير جدا للجسم والصحة النفسية مش بس كده كمان شرب المياه بكثرة بيعلي الحرق ويحافظ على بشرتك وشعرك وبيزود نشاطك وبيقلل التوتر والضغط وبيقلل من فرص الاصابة بالصداع والجفاف

ثانيا : لازم تفهمي ان مينفعش تنزلي دهون من منطقة ومنطقة لا لازم بتنظيم الاكل والنظام الغذائي الصحي بحساب نسبة السعرات الحرارية نسبة الدهون في الجسم عموما هتقل ومنها البطن او الكرش

ثالثا : يفضل انك تتمرني بأوزان عضلات جسمك كلها مش بس المنطقة المستهدقة عشان يحصل تناسف في الجسم وتزودي اوزان في التمارين بشكل تدريجي ومتتمرنيش البطن كل يوم كتر التمرين هيؤدي لهلاك العضلة وهيجيب نتيجة عكسية البطن لازملها راحة اتمرنيها يوم ويوم راحة 3 مرات اسبوعيا كفاية

رابعا : الصبر والالتزام مفيش تغيير بيحصل في يوم وليلة او شهر او 2 لازم التزام ومتقارنيش جسمك بجسم تاني لان الجينات بتختلف في شكل الجسم وكمان في المدة اللي بيتطور فيها الجسم تابعي تقدمك ونتائجك انتي عن طريق المقاسات والشكل اولا ثم الميزان


ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018