| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

البروتين الخام (الشكاير) واشهر انواعه شكائر شركة NZMP الاسترالية والنيوزلاندي او Hilmar الامريكية

البروتين الخام 

في الفترة الاخيرة ظهر بروتين اتشهر جدا 

وظهر كمان جدل كبير عليه اللي هو البروتبن الخام او السايب او الشكائر 20 كيلو وبيتباع منها عند العطارين او مصانع الحلويات او مصانع الالبان
وبعض محلات المكملات لكن ناس كتير قالت انه غير صالح للاستخدام المباشر وناس بتقول انه صالح للاستخدام المباشر وهنحاول نوضحلكم كل حاجة تخص البروتين الخام او الشكاير في السطور التاليه



اولا: البروتين الخام ده موجود من زمان 

رغم ان انتشاره من قريب لكن ميمنعش انه بيستخدم عشان يرفع القيمة الغذائية للحلوى او الجبن او الالبان 
وهو بروتين خام
 بدون اي اضافات او نكهة وبالفعل كان في ناس بتستخدمه كمكمل غذائي من زمان لكن ايه سبب انتشاره الفترة دي خصوصا ؟ سبب انتشاره ان 
 سعره قليل مقارنة بالمكملات المستوردة او حتى المصنعة في مصر الكيلو من البروتين الخام بيتراوح بين 130 الى 300 جنيه حسب نوعه

بروتين مركز الحليب او البروتين الخام 

بيتم تصنيعه في مصانع متخصصة وبيمر بكذا مرحلة بيتم فصل الدهون عن الحليب السائل وبعدها بيمر بمراحل تصفية وتجفيف لحد ما يتبقي مركز بروتين الحليب اللي بنشوفه




استخدام بروتين الحليب 

مشهور من زمان في مصانع الالبان والحلويات والمخبوزات عشان يرفع من قيمتها الغذائية وكمان بيستخدم في البروتين بار او مكملات الاطفال ونسبة البروتين فيه بتتراوح بين 40% الى 90% حسب النوع
كمان البروتين الخام في شركات مكملات مشهورة بتستخدمه وبتضيف عليه نكهة ومواد لسهولة الذوبان وبعدين بيمر بالتعبئة والتوزيع والجمارك وده اللي بيرفع سعره
-

اشهر انواع البروتين الخام هي

 شكائر شركة NZMP الاسترالية ووالنيوزلاندي او Hilmar الامريكية
من انواعه

النوع الاول هو Milk protien وهو ارخص الانواع ويحتوي على 70 جرام بروتين لكل 100 جرام لكن فيه نسبة كالسيوم عالية

النوع التاني
Whey protien concentrate ونسبة الكالسيوم فيه معقولة وكمان نسبة بروتين اعلى 80 جرام بروتين لكل 100 جرام

النوع الثالث
 هو Whey protien isolate ده بيكون مناسب اكتر للاشخاص اللي بتحضر لبطولات لان تركيز البروتين فيه اعلى وفيه نسبة دهون وكاربوهيدرات تكاد تكون معدومة

اشتري انهي نوع ؟

مفيش فرق كبير في القيمة الغذائية بين الثلاثة اختار المناسب ليك واشتريه

ازاي اشتري البروتين الخام او الشكائر؟

موجود في بعض محلات المكملات او البيع الاون لاين على الفيس البوك لكن يفضل تشتري شكارة مقفولة لضمان عدم غش البروتين او اشتري من مصدر موثوق

هل جسمي بيستفاد من البروتين الخام فعلا ؟

ايوة بيستفاد لكن زي اي مكمل لازم تكون حاسب احتياجاتك وتكمل بيه اللي ناقص من اكلك فقط لكن مينفعش تعتمد على اي مكمل وتهمل الاكل

اخد البروتين الخام امتى؟

مفيش فرق كبير يفضل قبل التمرين او بعده او على الفطار على مياه او لبن او عصير

ايه هي عيوب البروتين الخام ؟

بعض انواع البروتين الخام بتكون صعبة الذوبان قليلا زي الميلك بروتين وملهوش نكهة ممكن تضيف ليه نكهات او كاكاو او فانيليا للتغلب على المشكلة دي


ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018