اختلفت الناس في تحديد مواعيد الاكل وفي البعض يقول قبل التمرين افضل والبعض يقول بعد التمرين بساعتين لو بتخسي والبعض يقول بعد التمرين بنصف ساعة لو الهدف زيادة الوزن ولكن اي معاد هو الصحيح ؟
الاول لازم تعرفي
ان الجسم عشان يزيد وزن او يقل وزن ده معتمد على السعرات الحرارية الداخلة للجسم فقط كمثال لو احتياجك 2000 سعر حراري يوميا وبتدخلي لجسمك 1500 سعر حراري هتخسي , ولو بتدخلي 2500 سعر حراري كمثال هتزيدي
معنى كدة ان معاد الاكل مش هيفرق سواء بتخسي او بتزيدي
لكن لازم تتبعي التعليمات دي سواء بتخسي او بتزيدي :
قبل التمرين بساعة ونصف الى ساعتين لازم تتناولي وجبة متكاملة مكونة من بروتين + كاربوهيدرات
لانك لو اتمرنتي بدون وجبة قبل التمرين هتكون النتيجة تمرين سيء جدا وكسل كبير في التمرين وعدم اداء التمرين بصورة مرضية وممكن يؤدي الى الاغماء والهبوط
عشان كدة اهتمي بوجبة قبل التمرين كويس جدا
قبل التمرين ب 20 دقيقة اشربي كوب قهوة لزيادة الطاقة في التمرين ولاداء اعلى وتركيز اعلى
اما في خلال التمرين
يجب شرب المياه على رشفات من لتر الى 2 لتر او زي ما تستهلكي وممنوع اكل اي شيء وسط التمرين سواء بتخسي او بتزيدي لان السكريات هتعلي مستوى السكر في الدم خلال التمرين ويجب المحافظة على مستوى السكر ثابت خلال التمرين منعا لحدوث هبوط يعنيي بلاش الشيكولاتة او العصائر وسط التمرين حتى لو عايزة تتخني
بعد التمرين مباشرة
ممكن تتناولي موزة او تفاحة او سكوب بروتين (مكمل بروتين) لحد ما توصلي البيت وتتناولي وجبة متكاملة تاني زي وجبة قبل التمرين
والكميات بتختلف من شخص لاخر حسب احتياج كل جسم للسعرات الحرارية ودة لان الجسم بيكون محتاج وجبة متكاملة لتعويض واعادة بناء العضلات اللي تم هدمها خلال التمرين
لو ناسية ازاي تحسبي احتياجك من السعرات الحرارية ده تذكير :
عشان تقللي نسبة الدهون في جسمك والدهون في الجسم هتقل لما تدخلي سعرات لجسمك اقل من احتياجه او بيسموه عجز سعرات ودي بقلل فيها من 300 الى 500 كالوري عن احتياجك اليومي من السعرات الحرارية
اما عشان تزودي وزنك
هتضيفي على احتياجك من 300 الى 500 سعر حراري وقابل للزيادة (موجود طريقة حساب احتياج الجسم من السعرات على الموقع علي هذا
الرابط )
زيادة نسبة العضلات
هتكون ضرورية لاعطاء الجسم شكل متناسق سواء بتخسي او بتزودي وزنك
لما تعرفي احتياج جسمك من السعرات هتشتري ميزان طبخ عشان تعرفي السعرات الحرارية اللي فالاكل بدقة وتعرفي جسمك دخله قد ايه وفاضل له قد ايه من الاكل
طيب عرفت ازاي احسب السعرات ايه نوعية الاكل اللي تاكليها ؟
نظامك الغذائي لازم يكون صحي
يعني تبعدي عن البيبسي والشيبسي والحلويات والمقليات والاكل السريع واكل المطاعم لان كل دي اكلات مليانة بالدهون والسكريات جسمك مش هيستفاد بيها وهتزودك دهون بالتالي هتلاقي النتيجة مش كويسة وممكن يحصل ترهل وتتفاجئي بترهل بعض الاماكن في جسمك
طيب ايه الحل؟
الحل انك تقسمي سعراتك على البروتين والكاربوهيدرات والدهون الصحية
البروتين العالي هتلاقيه في اكلات زي
صدور الدجاج والاسماك واللحوم الحمراء الغير مصنعة والبيض واللبن والجبن القريش والفول السوداني والعدس والحمص الخ...
الكاربوهيدرات النظيفة اللي تاكلي منها :
الارز والمكرونة والشوفان والذرة مشوية او مسلوقة وبرضو العدس والبليلة والبطاطس والبطاطا والخبز الاسمر
وابعدي عن الخبز الابيض والمعجنات والسكر والبيتزا
الدهون الصحية :
ضرورية للجسم هتلاقيها في زيت الزيتون والمكسرات زي اللوز والفول السوداني والكاجو والفستق والسلمون والافوكادو
تقدري تعرفي القيمة الغذائية لاي اكل (البروتين والكاربوهيدرات والدهون) من تطبيقات كتير على الانترنت او من جوجل او من داخل موقع فيتنس مصر من
هنا
