| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

العطش في رمضان : 10 نصائح للقضاء تماما علي الشعور بالعطش في رمضان

صيام رمضان بلا عطش 



1- ابعد عن الملح ( اهم سبب للعطش )

يعني تبعد عن المخللات والبهارات الجاهزه الي مليانه صوديوم والجبن الحادقه ومرقه الدجاج وبهارات الاندومي واغلب البهارات الصيني . من الاخر كل ما تقلل ملح هيقل العطش وهو اكبر سبب للعطش اصلا .

2- ابعد عن السكريات خصوصا في السحور

طبعا السكريات مصدر سريع للطاقه وبتجوع جدا وكمان بتعطش جدا جدا ف ابعد عنها .

3- اهتم بالخضروات الورقيه والخضروات الخضرا عموما علشان مليانه ميه .

طبعا الجرجير والخس والبقدونس واغلب الخضروات الورقيه والفلفل الاخضر والخيار والطماطم اغلب وزنهم ميه واهتمامك بيهم في نظامك الغذائي هيزود هيقلل شعور العطش طول اليوم .

4- اهتم بالفواكهه الغنيه بالميه .

زي البطيخ والشمام والخوخ والفرواله والعنب والكيوي . اغلبها فواكهه قليله السعرات ومليانه ميه وهتكون خيار ممتاز كتحليه في رمضان ومد جسمك بالميه وتقليل العطش والجوع .

5- تقليل الكافيين .

طبعا الكافيين سواء قهوه او شاي يعتبر من مدرات البول وده هيخليك تدخل الحمام كتير وتفقد ميه كتير وبالتالي تعطش جدا .

6- المجهود العالي في نهار رمضان .

سواء بقي تمرين بدري او مشي مسافات طويله والخ كل الحجات دي هتخليك تفقد ميه كتير في محاوله تبريد الجسم عن طريق العرق وبالتالي الشعور بالعطش فحاول بقدر الامكان تخليك في اماكن مغلقه وفيها تهويه كويسه او تكييف .

7- ابعد عن اكل الشارع والمطاعم خصوصا في السحور .

للاسف اغلب المطاعم سواء بتقدم اكل مشوي او غيره بتستخدم كميه ملح وبهارات غير طبيعيه علشان طعم الاكل وده طبعا هيخليك تعطش زي ما قولنا في اول نطقه فوق .

8- اهتم بوجبه سحور خفيفه مليانه بالخضروات والفواكهه .

من الاخر كل ما تقلل الملح في السحور وتهتم بالي قولناه فوق من خضروات وفواكهه وزبادي وتقلل الكافيين تاكد انك مش هتحس بالعطش او حتي لو حصل هيكون بسيط جدا من الاخر الي هتاكله وقت السحور هو الفيصل في العطش .

9 - ابعد عن الملح

10- خليك فاكر اني قولتك ابعد عن الملح 



ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018