كيف أحسب احتياج جسمي من السعرات الحراريه اليوميه - ليس الطول والوزن فقط هناك عوامل اخري عليك معرفتها .

يعد حساب معدل حرق السعرات الحرارية الاساسية او الأيض الأساسي ( BMR ) خطوة مهمه لتحديد كمية السعرات الحرارية المناسبة لك بناءً على أهدافك من الحمية الغذائية والتمارين الرياضيه

يعني بمعني ابسط 

قيمة الطاقة اللي جسمك بيحرقها وهو في وضع السكون  خلال يوم واحد لااثناء كون الجسم في حالة راحة تامة و ده في حال اليقظة صباحاً و في حالة عدم نشاط عملية الهضم و تحت درجة الحرارة العادية للغرفة اللي هي حوالي28 درجة مئوية

هل الرقم ده بيختلف من شخص لاخر ؟
الاجابه هى نعم  الرقم ده بيختلف من شخص لاخر لانه  بيعتمد علي الجنس والطول والوزن  وفي معادلات بتدخل نسبه العضل في حساب معدل الايض

طيب احسبه ازاي ؟

هقولك دلوقتي علي معادلتين لحسابه
للبنات   655(9.6* الوزن بالكيلو)+(1.8* الطول بالسم ) -(4.7*العمر بالسنين )
للرجال  66+(13.7*الوزن بالكيلو)+(5*الطول بالسم )-(6.8*العمر بالسنوات )

مثال توضيحي

 : بنت وزنها 75 سنها 25 وطولها 170 سم  ونشاطها خفيف
هنعمل الاتي 655+(9.6*75)+(1.8*170)-(4.7*25)
= 1563 سعر دي السعرات الي بتحرقها وهي في حاله السكون التام
الرقم ده ارجع اضربه في معدل النشاط

معدل النشاط

لو حركة قليل اضرب *1.2
 لوخفيف اضرب *1.375
حركة متوسطة خلال اليوم اضرب *1.55
لو نشيطه اضرب * 1.725
لو نشيطة جدا اضرب *1.9

كده يعني هضرب 1563*1.375 ودي السعرات الي هي محتاجاها عشان تحافظ عي وزنها ولا تزيد ولا تتخن
فلو هي عايزه تخس تخصم من السعرات دي في حدود 500 سعر في 7 ايان عشان تخس نص كيلو في الاسبوع ( الكيلو دهون =7000 سعر حراري )
في حاله لو عايزه تخس كيلو بالاسبوع ممكن تخصم 500 وتعمل اي نشاط (مشي رياضه جيم ...الخ ) في حدود ال 500 سعر تانين

طبعا لازم نقول معلومه مهمه ان

المعدل المثالي لنزول الوزن من نص لكيلو في الاسبوع ده بيضمن عدم حدوث ترهلات وفقدان الوزن ببطء احسن من الفقدان السريع للوزن والرجوع مره اخري  فنخلينا منطقين في اهدافنا الي تخص نزول الوزن.