ما الذي يجعل عضلات البنات مثل عضلات الرجال ؟

البنات والعضلات ..

هل لو انتظمت في الجيم هيبقي عندي عضلات مثل عضلات الرجال؟
ما الذي يجعل جسمي شبيه بجسم الرجال ؟
-

فى معتقدات عند كثير من الناس واغلبهم البنات ان البنت لو راحت الجيم ولعبت حديد وبأوزان هيطلعلها عضلات وتبقي زي الرجاله

أسطوره بنات كتير بتخاف منها وبيروحوا الجيم ومبيلعبوش حديد وبيلعبوا كارديو فقط وده بيخليها تخس بس شكل الجسم بيبان زى ماهو زى ماهو مش هيتغير .

علشان البنت يطلعلها عضلات مثل عضلات الرجال 

 لازم تلجأ للهرمونات ، والبنات اللي بنشوفوهم في الصور وليهم عضلات بيبقوا غالباً موديلز لشركات مكملات وخلافه وده طبعاً بيبقي شغلهم
 فبيضطروا يلجأوا لهرمونات الذكوره اللي بتعملها عضلات وتظهر شكلهم زي الرجاله  ..

لازم البنت تكون عارفه إن المسئول الرئيسي عن نمو العضلات هو هرمون الذكوره المعروف "بالتيستوستيرون" اللي هو موجود بنسبه لاتذكر عند البنات ولكن النسبه الاكبر عند البنات هو هرمون الانوثه المعروف ( بالاستروجين  )
يعني البنت تلعب حديد عادي متخافش مش هيطلعلها عضلات لأن معندهاش هرمون الذكوره ،

طيب هيحصل ايه لو البنات لعبت  حديد وشالت اوزان؟

كل الحكايه ان لو البنات لعبت حديد هيشد الجسم ومع تنظيم الاكل واتباع نظام غذائى صحى  بنقلل نسبة الدهون فى الجسم وتخس فشكل الجسم بيتغير ويبان مشدود وكيرفى
ولا غني عن ممارسة تمارين المقاومه للشباب و  للبنات  علي حد سواء .