سؤال يشغل بال الكثير من الاشخاص الرياضين اكل اى بعد التمرين وخاصه تمرين الحديد والوقت المناسب للاكل بعد التمرين بقد ايه
فى هذا المقال سنتعرف على الاطعمه التى يجب تناولها بعد التمرين والوقت المناسب للاكل واشياء تساعد في عملية حرق الدهون مع النظام الغذائى الصحى :
* نوع الأكل وتوقيته بعد التمرين له تأثير كبير جداً علي تطور الجسم ومهم جداً لعملية الإستشفاء وخاصة بعد التمرين اليومي اللي بيستمر أكثر من ساعة فلابد من وجبه بعد التمرين ويكون وقتها في خلال ساعتين بعد التمرين (مش بعد ساعتين ) ولكن الافضل خلال 30 الى 45 دقيقة بعد التمرين
* اكل ايه بعد التمرين :
بعد التمرين لازم وجبة تحتوي علي بروتين وكاربوهيدرات وخضار
البروتين مثل ( بياض البيض أو صدور الدجاج واللحم الأحمر، بيساعد على إصلاح النسيج العضلي التالف بسبب تمرين الحديد (أو المقاومة عموماً) .. والاسماك )
والكاربوهيدرات مثل ( الشوفان .. البطاطس .. البطاطا .. الارز المسلوق )
خضار ( كوسه .. بسله .. سلطه خضراء .. سبانخ ... )
* ولكن يجب بعد التمرين مباشرة فى خلال ربع ساعه قبل الوجبه الاساسيه تناول كارب سريع الامتصاص ويكون افضلهم (موزه ) بتساعد على مد الجسم بالطاقة والجليكوجين المفقود أثناء التمرين كمان ان الموز يحتوى على البوتاسيوم والاحماض الامينيه التى تساعد فى الاستشفاء العضلى
* اشياء تساعد فى حرق الدهون ويمكن تناولها فى وجبه بعد التمرين :
- التوابل
الفلفل الحار يحتوي على مركب اسمه Capsaicin ، المركب دا مولد للحرارة ودا معناه انه بيرفع درجة حرارة الجسم وبالتالي حرق مزيد من السعرات الحرارية ودا وفقاً لدراسات تم نشرها في المجلة الأمريكية لعلم وظائف الأعضاء.
استخدم كمية بسيطة من الفلفل الحار علي وجبة بعد التمرين، وكل ما كان الفلفل حار أكتر كل ما زاد مركب Capsaicin.
- الشاي الأخضر
الكافيين بيساعد على زيادة عملية التمثيل الغذائي وكذلك دعم مستويات الطاقة بتاعتك ودا معناه حرق المزيد من السعرات الحرارية.
الشاي الأخضر هو مصدر جيد للكافيين، ويحتوي كمان على مضادات الأكسدة EGCG ودا ممكن يساعد على دعم عملية حرق سعرات حرارية أكتر. وبسبب وجود مضادات الأكسدة دي فالشاي الأخضر ممكن يساعدك على حرق المزيد من السعرات الحرارية أكتر من القهوة.
بعد التمرين بدل المشروبات الرياضية جرب بعض الشاي الأخضر المثلج بدون سكر
- السوائل
تجديد السوائل اللي بتفقدها بسبب العرق حاجة مهمة جداً بعد التمرين الجفاف بيأثر سلبياً على عملية التمثيل الغذائي، وغالباً هتحس بالجوع الشديد لو كنت عطشان جداً شرب الماء قبل وأثناء وبعد التمرين لمنع الجفاف لو التمرين بتاعك بيستمر أكثر من ساعة خصوصاً في الصيف لازم الدايت بتاعك يكون موجود فيه الأطعمة اللي بتحتوي على الصوديوم علشان تعوض اللي بتفقده خلال التمرين بسبب العرق
