| -->
fitness eg موقع فيتنس مصر fitness eg موقع فيتنس مصر
التخسيس وحرق الدهون

أهم المقالات

التخسيس وحرق الدهون
جاري التحميل ...

الحل السحري لكسر ثبات الوزن - الصيام المتقطع



الصيام المتقطع - لكسر ثبات الوزن 
* بكل بساطه هنشرح ازاي نكسر ثبات الوزن بطريقه بسيطه وغير متعبه
وممكن اي شخص يستخدمها 

 اليوم فيه 24 هنصوم منهم 16 ساعه
وهناكل خلال ال8 ساعات 
-

جسمنا بيحرق السكر والجلوكوز الموجود في الدم خلال اول 6-8 ساعات صيام 

وبعدها بيدخل في حرق الدهون المتخزنه 

-

المسموح خلال الصيام
1- شرب الماء 
2- القهوه "بدون اضافات - لا كريمه ولا تبييض ولا تحويجه - قهوه ساده"
3- الشاي 
كل ماذكر بدون سكر او محليات 
-
* لو اتمرنتو قبل اول وجبه ليكم هتفرق جدااا في النتائج لان الجسم هايستهلك طاقته من الدهون فلو نص ساعه زومبا - جري في المكان - صعود السلم - مشي - رقص عادي علي فرتكه فرتكه 💃
-
النظام غير مناسب لمرضي السكر والحامل والمرضعه ❤️
*
فوائد النظام كتيره جدا 
منها زيادة الجرو هرمون "هرمون النمو" ودا لوحده فوائده كتيره جدا بس عشان البوست مايطولش هنختصر
بيزود مناعة الجسم وبيعمل ريكفري للجسم وبيخلي الخلايا تنمو وتقوي العضلات " الرجاله بتوع الحقن عارفين الكلام داكويس " 😂
كمان حرق دهون الجسم
بيقلل من الالتهابات
بيقلل من التوتر 
التخلص من الشهيه - التخلص من الشهيه - التخلص من الشهيه 😂معلش اصل دي مهمه جدا عندنا في مصر 
-
كمان بيزود طاقة الجسم
*
ندخل في التفاصيل "هنصوم ازاي"
-------------------------------------
* ال8 ساعات لو بتصحو بدري وبتنامو بدري تقدرو تخلوهم من 10 ل6 - هما دول الساعات اللي مسموحلك تاكل فيهم
وهايختلفو من شخص للتاني حسب نومك - مثلا : لو كنت بتسهر او بتسهري وليلكم نهاركم ممكن تسستمو ال8 ساعات دول حسب الوقت اللي انتو فيه في عز الفوقان يعني ممكن يبقي من 4 العصر ل12 بالليل ... انتو قسموهم حسب حياتكم

-
* وعشان نضمن النتيجه - راعي احتياجك اليومي من السعرات الحراريه ولو مش عارف تحسبها ازاي سيبلنا كومنت 
وكمان احتياجكم اليومي من الماكروز يعني هتاخد فات وبروتين وكربوهيدراتس
مش مصدر واحد ويفضل تقليل الكارب وبروتين معتدل ودهون "صحيه" ايضا بشكل معتدل
-
* للمبتدئين تقدرو تصومو يومين فقط في الاسبوع وباقي الايام تاكلو بشكل عادي مع مراعاة حتياجكم من السعرات 
-
* ممكن كمان نصوم يوم وناكل عادي يوم .
-
* ولأفضل النتائج تقدرو تصومو 5 ايام في الاسبوع وتفطرو يومين .
-
" الكلام دا مش بس معلومات - النظام عن تجربه - ممتاز ممتاز ممتاز "
-
ÇáÊÚáíÞÇÊ
0 ÇáÊÚáíÞÇÊ

-

موقع فتنيس مصر هو موقع متخصص في شرح المعلومات الرياضيه والتغذيه الصحيه بأبسط طريقه ممكنه , نستهدف دائما تبسيط المعلومه وتجنب المصطلحات المعقده - تابعونا وشكرا لكم

جميع الحقوق محفوظة

fitness eg موقع فيتنس مصر

2018